सुन तथा चाँदीको भाउमा सामान्य गिरावट

यो साता कारोबारको पहिलो दिन आइतबार सुन तथा चाँदीको भाउमा गिरावट आएको छ।

नेपाल सुनचाँदी व्यवसायी महासंघका अनुसार आइतबार सुनको भाउ तोलामा ६०० रुपैयाँ तथा चाँदी १० रुपैयाँले घटेको हो।

आइतबारका लागि छापावाला सुनको भाउ ९३ हजार ३०० रुपैयाँ र तेजाबी सुनको ९२ हजार ८०० रुपैयाँ कायम भएको छ।

गत शुक्रबार छापावाला सुन ९३ हजार ९०० रुपैयाँ र तेजाबी सुन ९३ हजार ४०० रुपैयाँमा कारोबार भएको थियो।

यसैगरी आज चाँदीको भाउ १० रुपैयाँले घट्दै तोलाको १ हजार १५० रुपैयाँ कायम भएको छ। गत शुक्रबार चाँदीको भाउ प्रतितोला १ हजार १६० रुपैयाँमा कारोबार भएको थियो।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।