उपत्यकामा १ हजार ६३८ सहित २ हजार ७२२ जनामा संक्रमण पुष्टि

नेपालमा पछिल्लो २४ घण्टामा हालसम्मकै धेरै २ हजार ७२२ जनामा कोरोना भाइरसको संक्रमण पुष्टि भएको छ । देशभरका विभिन्न प्रयोगशालामा गरिएको १४ हजार ७३९ वटा पीसीआर परीक्षणको क्रममा सो संख्यामा संक्रमण पुष्टि भएको हो ।

स्वास्थ्य मन्त्रालयका प्रवक्ता डा जागेश्वर गौतमले शुक्रबारको नियमित प्रेस ब्रिफिङमा पछिल्लो २४ घण्टामा उपत्यकामा १ हजार ६३८ सहित २ हजार ७२२ जनामा संक्रमण पुष्टि भएको जानकारी दिए ।

मन्त्रालयका अनुसार काठमाडौं १ हजार २८०, ललितपुरमा १६२, र भक्तपुरमा १९६ गरी कुल १ हजार ६३८ जनामा कोरोना संक्रमण पुष्टि भएको हो ।

प्रवक्ता गौतमका अनुसार यससँगै देशभर सक्रिय संक्रमितको संख्या २१ हजार २३४ पुगेको छ । देशभर ९ हजार ४७४ संस्थागत आइसोलेशन र ११ हजार ७६० जना होम आइसोलेशनमा रहेका छन् ।

यसैगरि पछिल्लो २४ घण्टामा थप ३ हजार ३०७ जनाले कारोना संक्रमणलाई जितेर डिस्चार्ज भएका छन् । यससँगै संक्रमण जितेर डिस्चार्ज हुनेको कूल संख्या ६० हजार ६९६ पुगेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।