शेयर बजारमा रेकडै रेकर्ड, उच्च बिन्दुमा पुगेकै दिन सवा ९ अर्बको कारोबार

बुलिस ट्रेण्ड समातेको शेयर बजारमा दैनिक नयाँ नयाँ रकेर्ड बन्ने क्रमले निरन्तरता पाएको छ । यसै क्रममा ०७७ साल मंसिर १४ गते आइतबार नेप्से सूचकमा आधा दर्जन रेकर्डहरु बनेका छन् ।

यसदिन शेयर बजारमा नेप्से सूचकसँगै कारोबार रकम, कारोबार संख्या (पटक), अनलाईबाट कारोबार प्रतिशत र बजार पूँजीकरणमा समेत नयाँ रेकर्ड कायम भएको छ ।

शेयर बजार सूचक मापक नेप्सेले २०७७ मंसिर ११ गते बिहीबार १८९३ दशमलव २४ बिन्दुको रेकर्ड तोडेर हालसम्मकै उच्च बिन्दु १ हजार ९६८.२७ विन्दुमा पुगेको छ । यसदिन नेप्से परिसूचक ३.९६ प्रतिशत अर्थात ७५.०२ अंकले बढेर हालसम्मकै सर्वाधिक उचाईमा पुगेको हो ।

आज शेयर बजारमा ९ अर्ब २२ करोड ७३ लाख बढीको कारोबार भएको छ । यो एकैदिन सर्वाधिक भएको कारोबार रेकर्ड हो । गत बिहीबार ७ अर्ब ६१ करोड ३० लाख ३० हजार ९१ रुपैयाँको शेयर कारोबार भएको छ । यसभन्दा अघि २०७७ मंसिर ७ गते आइतबार ६ अर्ब ९० करोड रुपैयाँ बराबरको कारोबार भएको थियो।

आज कारोबार संख्याको आधारमा पनि नयाँ रेकर्ड कायम भएको छ । आज एकैदिन ८० हजार २७१ वटा वटा काराबार भएको छ । यसभन्दा अघि २०७७ मंसिर ११ गते बिहीबार एकैदिन ७० हजार ३ वटा कारोबार भएको थियो । त्यो कीर्तिमानलाई आइतबारको कारोबार संख्याले तोडेको हो ।

यस्तै आज अनलाईबाट भएको शेयर कारोबारको प्रतिशत पनि हालसम्मकै उच्च भएको छ । कारोबारमध्ये ९० प्रतिशत बढी कारोबार अनलाइन मार्फत भएको हो । कारोबार कित्ताका आधारमा भने नयाँ रेकर्ड कायमा भएको छ आज २ करोड ५९ ४५ हजार ३८० कित्ता शेयर कारोबारमा आएको छ । यसअघि मंसिर १० गते बुधबार कारोबार कित्ताका आधारमा सबैभन्दा धेरै १ करोड ८८ लाख ४६ हजार १८१ कित्ता कारोबार हुँदै नयाँ रेकर्ड कायम भएको थियो ।

आइतबारको कारोबारमा व्यापार, होटल, निर्जीवन बीमा तथा उत्पादन मुलुक समुह बाहेक सबै समूह बढेका छन् । बैंकिङ्ग र विकास बैंक समुह ८ प्रशिशत हाराहारीमा बढेको छ ।

कारोबारमा नेपाल पुनर्बीमा कम्पनीको सबैभन्दा धेरै ५१ करोड ७९ लाख रुपैयाँको कारोबार भएको छ । कुमारी, नबिल बैंक, प्रभु बैंक, नेपाल बैंक, ग्लोबल आइएमई, नेपाल लाइफ तथा शिवभ लगायतका कम्पनीको उच्च कारोबार भएको छ ।

आजको बजारमा ग्रिन डेभलपमेन्ट बैंक, नेपाल इन्भेष्टमेन्ट बैंक र सेञ्चुरी बैंकको शेयर मूल्यमा सकारात्म सर्किट लागेको छ । सनराइन, माछापुच्छ्रे, मुक्तिनाथ, एनबीबी, मेगा लगायत अधिकांस वाणिज्य बैंकहरुको शेयरमूल्य ९ प्रतिशतको हाराहारीमा बढेको छ ।

आज विशाल बजार कम्पनीको शेयरमूल्य सबैभन्दा धेरै १० प्रतिशतकादरले घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।