नेपालमा सञ्चालित बीमा कम्पनीहरुको साउनमा व्यवसाय विस्तार आकर्षण र उत्साहप्रद देखिएको छ । कोभिड-१९ महामारीबाट व्यवसायीक रुपमा ‘न्यू नर्मल’ तर्फ उन्मुख रहेका बीमा कम्पनीहरुको साउनमा व्यवसाय विस्तारको दर ५० प्रतिशतभन्दा धेरै देखिएको हो ।
अघिल्लो साउनको तुलनामा जीवन बीमातर्फ ६३.८१ प्रतिशत र निर्जीवन बीमातर्फ व्यवसायतर्फ १०.७४ प्रतिशते वृद्धि भएको छ ।
चालु आर्थिक वर्षको पहिलो एक महिना अर्थात साउन महिनामा १९ जीवन तथा १९ निर्जीवन बीमा गरी कुल ३८ बीमा कम्पनीहरुले १९ अर्ब ६० करोड रुपैयाँ बीमाशुल्क संकलन गरेका छन् । २०७७ साउनमा जीवन तथा निर्जीवन गरी कुल १२ अर्ब ८४ करोड रुपैयाँ बीमशुल्क संकलन भएकोमा समीक्षा अवधिमा ५२.६३ प्रतिशतले बीमाशुलक संकलन बढेको हो ।
जीवन बीमा कम्पनीहरुको बीमाशुल्क संकलन गत आवको साउन महिनाको तुलनामा ६३.८१ प्रतिशतले बढेर २०७८ साउनमा १६ अर्ब ६१ करोड रुपैयाँ पुगेको छ । गत आर्थिक वर्ष २०७७ को साउनसम्ममा जीवन बीमा कम्पनीहरुले १० अर्ब १४ करोड रुपैयाँ मात्रै बीमाशुल्क संकलन गरेका थिए ।
यसैगरी २०७८ साउनमा १९ वटा निर्जीवन बीमा कम्पनीहरुले २ अर्ब ९९ करोड रुपैयाँ संकलन गरेका छन् जुन गत आवको साउन महिनाको तुलनामा १०.७४ प्रतिशतले बढी हो । गत आर्थिक वर्ष २०७७ को साउनसम्ममा २ अर्ब ७० करोड रुपैयाँ मात्रै कुल बीमाशुल्क आर्जन गरेका थिए ।
बीमा संस्थानको बीमाशुल्क सबैभन्दा धेरै बढ्यो, व्यवसाय विस्तारमा नयाँ कम्पनी अब्बल
बीमा समितितिले उपलब्ध गराएको २०७८ साउनको तथ्यांक अनुसार राष्ट्रिय बीमा संस्थानले सबैभन्दा धेरै प्रतिशतका दरले बीमाशुल्क संकलन वृद्धि गरेको छ भने रकमका आधारमा नेपाल लाइफ अग्र स्थानमा रहेको छ ।
राष्ट्रिय बीमा संस्थानले सबैभन्दा धेरै ९३६.११ प्रतिशतले बीमाशुल्क संकलन बढाएको छ । यस अवधिमा संस्थानले ३ अर्ब ३७ करोड रुपैयाँ बीमाशुल्क संकलन गरेको छ । गत आवको यसै अवधिमा कम्पनीले ३६ करोड रुपैयाँ मात्रै बीमाशुल्क आर्जन गरेको थियो ।
जीवन बीमा कम्पनीतर्फ एलआइसी नेपाल बाहेक अरु सबै कम्पनीको बीमाशुल्क आर्जन रकम बढेको छ । साउन महिनामा एलआइसीको बीमाशुल्क संकलन रकम ४.७६ प्रतिशतले घटेर एक अर्बमा सीमित भएको हो । २०७७ साउन महिनामा कम्पनीले एक अर्ब ५ करोड रुपैयाँ बीमाशुल्क संकलन गरेको थियो ।
Life Insurance Company | Total Premium Collection Shrawan (Rs. in Crore) | |||
S.N. | Name | 2078/079 | 2077/078 | Growth % |
1 | Rastriya Beema Sansthan | 373.00 | 36.00 | 936.11 |
2 | Prabhu Life Insurance | 34.00 | 8.00 | 325.00 |
3 | Sun Nepal Life Insurance | 29.00 | 11.00 | 163.64 |
4 | Mahalaxmi Life Insurance | 12.00 | 5.00 | 140.00 |
5 | Reliance Life Insurance | 28.00 | 12.00 | 133.33 |
6 | Citizen Life Insurance | 45.00 | 22.00 | 104.55 |
7 | Reliable Nepal Life Insurance | 30.00 | 16.00 | 87.50 |
8 | Jyoti Life Insurance | 33.00 | 18.00 | 83.33 |
9 | IME Life Insurance | 34.00 | 20.00 | 70.00 |
10 | Union Life Insurance | 76.00 | 48.00 | 58.33 |
11 | Samima Life Insurance | 14.00 | 9.00 | 55.56 |
12 | Surya Life Insurance | 52.00 | 35.00 | 48.57 |
13 | National Life Insurance | 133.00 | 106.00 | 25.47 |
14 | Gurans Life Insurance | 40.00 | 33.00 | 21.21 |
15 | Asian Life Insurance | 63.00 | 52.00 | 21.15 |
16 | Nepal Life Insurance | 476.00 | 397.00 | 19.90 |
17 | Met Life Insurance | 49.00 | 44.00 | 11.36 |
18 | Prime Life Insurance | 40.00 | 37.00 | 8.11 |
19 | Life Insurance Co. | 100.00 | 105.00 | -4.76 |
Total | 1661.00 | 1014.00 | 63.81 |
व्यवसाय विस्तारको दरमा नयाँ कम्पनी अग्रसर देखिएका छन् । यस अवधिमा नयाँ पाँच कम्पनीले शतप्रतिशतभन्दा धेरैले बीमाशुल्क आर्जन रकम वृद्धि गरेका छन् । प्रभु लाइफ, सन नेपाल लाइफ, महालक्ष्मी लाइफ, सिटिजन लाइफ, रिलायन्स लाइफले शतप्रतिशत भन्दा धेरैले बीमाशुल्क संकलन रकम बढाएका हुन् ।
सबैभन्दा धेरै बीमाशुल्क संकलन गर्ने कम्पनीमा नेपाल लाइफ रहेको छ । कम्पनीले यस अवधिमा ४ अर्ब ७६ करोड रुपैयाँभन्दा बढी बीमाशुल्क आर्जन गरेको छ । गत आवको साउनसम्ममा कम्पनीले ३ अर्ब ९७ करोड रुपैयाँ कुल बीमाशुल्क आर्जन गरेको थियो । यस्तै, नेशनल लाइफले १ अर्ब ३३ करोड रुपैयाँ बीमाशुल्क संकलन गरेको छ ।
निर्जीवन तर्फ लुम्बिनी र प्रिमियरको बीमाशुल्क घट्यो, अन्य सबैको बढ्यो
साउनको तथ्याङ्क अनुसार निर्जीवन बीमा कम्पनीतर्फ लुम्बिनी जनरल इन्स्योरेन्स र प्रिमियर इन्स्योरेन्स कम्पनी बाहेक अरु सबै कम्पनीको बीमाशुल्क संकलन रकम बढेको छ ।
यस अवधिमा लुम्बिनी जनरलको बीमाशुल्क संकलन रकम २३.०८ प्रतिशत र प्रिमियर इन्स्योरेन्सको बीमाशुल्क संकलन रकम ८८.८९ प्रतिशतले घटेको हो ।
विसं २०७८ साउनमा लुम्बिनी जनरलले १० करोड मात्र बीमाशुल्क संकलन गरेको छ भने प्रिमियर इन्स्योरेन्सले दुई करोडमा सीमित भएको छ । अघिल्लो आवमा यी कम्पनीहरुको बीमाशुल्क संकलन क्रमशः लुम्बिनी जनरलको १३ करोड र प्रिमियर इन्स्योरेन्सको १८ करोड थियो ।
Non life Insurance Company | Total Premium Collection Shrawan (Rs. in Crore) | |||
S.N. | Name | 2078/079 | 2077/078 | Growth % |
1 | Himalayan General Insurance | 23.00 | 6.00 | 283.33 |
2 | United Insurance | 15.00 | 8.00 | 87.50 |
3 | Sanima Insurance | 6.00 | 4.00 | 50.00 |
4 | Oriental Insurance | 17.00 | 14.00 | 21.43 |
5 | Neco Insurance | 26.00 | 22.00 | 18.18 |
6 | IME General Insurance | 13.00 | 11.00 | 18.18 |
7 | Prabhu Insurance | 13.00 | 11.00 | 18.18 |
8 | Shikhar Insurance | 33.00 | 29.00 | 13.79 |
9 | Siddhartha Insurance | 26.00 | 23.00 | 13.04 |
10 | NLG Insurance | 20.00 | 18.00 | 11.11 |
11 | Everest Insurance | 11.00 | 10.00 | 10.00 |
12 | Ajod Insurance | 12.00 | 11.00 | 9.09 |
13 | Prudential Insurance | 12.00 | 12.00 | 0.00 |
14 | General Insurance | 7.00 | 7.00 | 0.00 |
15 | Sagarmatha Insurance | 30.00 | 30.00 | 0.00 |
16 | National Insurance | 12.00 | 12.00 | 0.00 |
17 | Nepal Insurance Company | 11.00 | 11.00 | 0.00 |
18 | Lumbini General | 10.00 | 13.00 | -23.08 |
19 | Premier Insurance | 2.00 | 18.00 | -88.89 |
Total | 299.00 | 270.00 | 10.74 |
हिमालयन जनरलको व्यवसाय वृद्धिदर धेरै
साउनको तथ्याङ्क अनुसार सबैभन्दा धेरै व्यवसाय बढाउनेमा हिमालयन जनरल इन्स्योरेन्स देखिएको छ । कम्पनीले २८३.३३ प्रतिशतले व्यवसाय बढाउँदै २३ करोड रुपैयाँ बीमाशुल्क संकलन गरेको छ । २०७७ साउनमा हिमालयनले ६ करोड रुपैयाँ मात्रै बीमाशुल्क आर्जन गरेको थियो ।
हिमालयन पछि व्यवसाय बढाउने कम्पनीमा युनाइटेड र सानिमा जनरल इन्स्योरेन्स परेका छन् । युटाइटेडको ८७.५० प्रतिशतले बीमाशुल्क बढेको छ भने सानिमाको ५० प्रतिशतले बढेको छ ।
यस अवधिमा सबैभन्दा धेरै बीमाशुल्क संकलन शिखर इन्स्योरेन्सले गरेको छ । कम्पनीको खुद बीमाशुल्क आर्जन रकम १३.७९ प्रतिशतले बढेर ३३ करोड रुपैयाँ पुगेको छ । गत आर्थिक वर्षको साउनमा २९ करोड रुपैयाँ बीमाशुल्क आर्जन गरेको थियो ।
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया