लुम्बिनी विकास बैंक (LBBL) को सेयरमूल्य समायोजन भएको छ ।
बैंकले गत आर्थिक वर्षको नाफाबाट प्रस्ताव गरेको बोनसको बुकक्लोजसँगै नेपाल स्टक एक्सचेञ्ज (नेप्से) ले सोमबार ( मंसिर २७ गते) बोनस समायोजन गरी नयाँ मूल्य निर्धारण गरेको हो ।
नेप्सेले बैंकको १३ प्रतिशत बोनस समायोजनपछि प्रतिकित्ता ४२९.६५ रुपैयाँ निर्धारण गरेको छ ।
अघिल्लो कारोबार दिन आइतबारको अन्तिम मूल्यका आधारमा बैंकको शेयरमूल्य समायोजन गरेको हो । आइतबार बैंकको सेयर प्रतिकित्ता ४८५.५० रुपैयाँमा अन्तिम कारोबार भएको थियो ।
सोमबार समायोजित मूल्यलाई आधार मानेर बैंकको शेयर कारोबार सुरु हुनेछ ।
बैंकले गत आवबाट चुक्ता पूँजीको १३ प्रतिशतका बोनस र कर तिर्न ०.६८ प्रतिशत नगद लाभांश वितरण गर्ने प्रस्ताव गरेको छ । लाभांश पारित गर्न बैंकले पुस ९ गते, आफ्नो केन्द्रीय कार्यालय, डिल्लीबजार, काठमाडौँमा चौधौँ वार्षिक साधारण सभा बोलाएको छ ।
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया