बिक्री गरिएका सामग्री फिर्ता हुँदा ‘पी एण्ड जी’ को सेयर भाउमा गिरावट

प्रोक्टर  एण्ड ग्याम्बल (पी एण्ड जी) ले आफ्ना हेयर केयरका उत्पादनमा क्यान्सर निम्त्याउने रसायन भेटिएपछि ती सामग्रीहरु फिर्ता मागि रहेको छ । जसको अप्रत्यक्ष असर पी एण्ड जीको सेयर मूल्यमा पनि देखिएको छ ।

अमेरिकी बहुराष्ट्रिय उपभोक्ता वस्तु उत्पादन गर्ने कम्पनी पी एण्ड जी काे १५% प्रतिशतले वृद्धि भइरहेको सेयर मूल्यमा क्रमिक रुपमा कमी आइरहेको छ । पी एन्ड जी को बजार पूँजीकरण ३ खर्ब अमेरिकी डलर भन्दा धेरै रहेको छ । तर उत्पादन सामग्री फिर्ता लिँदा कम्पनीको सेयर भने अप्रत्याशित रुपले घटिरहेको छ ।

प्यान्टिन, हर्बल इसेन्स, अस्सी तथा ओल्ड स्पाइस ब्रान्डहरूबाट उत्पादित ड्राई कन्डिसनर र शैम्पू स्प्रेहरू कम्पनीले फिर्ता मागिरहेको छ। अमेरिका र क्यानडामा बेचेका केही ड्राई कन्डिसनर र शैम्पू स्प्रेहरूमा मानव जातिलाई हानी पु¥याउने तत्व–बेन्जिन भेटिएका कारण उक्त सामग्री फिर्ता मागिरहेको हो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।