विदेशी ऋण रुबल मै तिर्ने रसियाको अडान

विदेशी प्रतिबन्धहरुका कारण रुसले वैदेशिक ऋण रुबल मै तिर्ने अडान राखेको छ।

रुसले युक्रेनमा विशेष सैनिक अप्रेशन सञ्चालन गरेपछि सुरु भएको युद्धका कारण रुसमा विभिन्न देशहरुले प्रतिबन्ध लगाइरहेका छन् । प्रतिबन्ध लगााउनेहरुमा अमेरिका र बेलायत अघि रहेका छन् भने जर्मनी, क्यानडा, जापान, इटलीले पनि साथ दिइरहेका छन् । बेलायतले रुसी बैंकहरुमा प्रतिबन्ध लगाउँदा रुसी बैंकहरुले विदेशी विनिमय गर्न पाएका छैनन् ।

पश्चिमा केही देशहरुमा रुसी करेन्सी नै प्रतिबन्ध लगाइएको छ । रुससँग वैदेशिक व्यापारमा प्रतिबन्ध लगाई रुसी केन्द्रिय बैंकको वैदेशिक सञ्चिति घटाउने लक्ष्य राखेका पश्चिमा देशहरुले रुसले आफ्नो वैदेशिक ऋण तिर्न नसक्ने जस्ता अभिव्यक्ति दिइरहेका छन् ।

यस अवस्थामा रुसी वित्तिय तथा आर्थिक मन्त्रालयले तत्कालको लागि वैदेशिक ऋण तिर्ने घोषणा गरेको छ । रुसी अर्थमन्त्री एन्टोन सुलियानोभले आफूहरुसँग वैदेशिक ऋण तिर्न आवश्यक वैदेशिक मुद्रा भएको र अन्य देशहरुबाट आएका रुसले आफ्नो सबरेन डेभ्ट नै तिर्न नसक्ने खाले अभिव्यक्ति झुटा रहेको बताएका छन् । वैदेशिक प्रतिबन्धहरुका कारण, वैदेशिक ऋण भुत्तानीमा समस्या भए युरोबोन्ड बराबरको ऋण रुबल मै तिर्ने एन्टोनले बताएका छन् ।

रुसी सरकारको ११ करोड ७० लाख अमेरिकी डलर ऋण रहेको छ । अन्तराष्ट्रिय भुत्तानी सञ्जाल स्वीफ्टबाट रुसी बैंकहरुलाई प्रतिबन्ध लगाइए पछि रुसको वैदेशिक सञ्चितिमा कमी आएको छ भने रुबल अहिले सम्म कै कमजोर अवस्थामा पुगेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।