नेपाल टेलिकमले शुक्रबारदेखि सुन्धारा काउन्टरबाट निःशुल्क ई–सिम (इलेक्ट्रोनिक सीमकार्ड) वितरण सुरु गरेको छ ।
हाल भौतिक सिमकार्ड प्रयोग गरिरहेका पोस्टपेड र प्रिपेड नम्बरका सिमलाई प्रयोगकर्ताहरुले निःशुल्क इ–सिममा परिवर्तन गर्न सक्नेछन् ।
त्यसैगरी नयाँ पोस्टपेड नम्बर लिन चाहने ग्राहकलाई हालको बिक्री मूल्यमै इ–सिम प्राप्त गर्न सक्ने टेलिकमले जनाएको छ । तर नयाँ प्रिपेड नम्बर लिने ग्राहकले भने निकट भविष्यमा मात्रै यो सुविधा पाउनेछन् ।
पुरानो प्रिपेड नम्बर चलाइरहेका ग्राहकहरुले भने सुन्धारा काउन्टरबाट पुरानो सिमलाई इ–सिममा परिवर्तन गर्न सक्नेछन् । टेलिकमले वितरण गर्ने ई–सिम निश्चित मोबाइल सेटहरुमा मात्रै प्रयोग गर्न सकिन्छ । प्रयोगकर्ताले इ–सिम परिवर्तन गर्नुअघि आफूसँग भएको मोबाइल सेटमा उक्त सिम सर्पोट गर्छ या गर्दैन भन्ने बुझ्न जरुरी हुन्छ ।
अनलाइन इ–सिम स्टोर “होलाफ्लाई” का अनुसार निम्न मोबाइल सेटहरुमा इ–सिम प्रयोग गर्न सकिने उल्लेख गरेको छ । इ–सिम चल्ने ब्रान्ड र मोबाइलका प्रकार यसप्रकार छन् ।
सामसुङ
- सामसुङको ग्यालेक्सी फोल्ड
- ग्यालेक्सी फोल्ड–३
- ग्यालेक्सी जेड फिलीप
- ग्यालेक्सी एस–२०
- एस–२१
- एस–२२
- नोट–२०
आइफोन
- आइफोन एक्स सिरिज
- आइफोन–११
- आइफोन एसई
- आइफोन १२
- आइफोन १३
- आइफोन १४
गुगल पिक्सेल
- गुगल पिक्सेल–३
- गुगल पिक्सेल–३ ए
- गुगल पिक्सेल–४
- गुगल पिक्सेल–४ ए
- गुगल पिक्सेल–५
- गुगल पिक्सेल–६
- गुगल पिक्सेल–६ ए
- गुगल पिक्सेल–६ प्रो
ओप्पो
- ओप्पो फाइन्ड–३ प्रो
- रेनो–५ ए
- रेनो–६ प्रो फाइच जी
- फाइन्ड एक्स–५
- एक्स–५ प्रो
- ए–५५ एस
हुवाई
- हुवाइ पी–४०
- पी–४० प्रो
- मेट–४० प्रो
मोटोरोला
- मोटोरोला आरएजेडआर–२०१९
- आरएजेडआर– फाइभ जी
इ–सिम प्रयोग गरेपछि सिमकार्डको आवश्यकता हुँदैन । मोबाइल फोन बाहेक इ–सिमलाई स्मार्टवाच लगायतका अन्य डिभाइसमा प्रयोग गर्न सकिने छ । ई–सिम प्रयोगमा आएपश्चात सिमकार्ड परिवर्तन गर्नुपर्ने आवश्यकता हुँदैन । मोबाइल सेटबाहेक ई–सिमलाई अन्य डिभाइस तथा स्मार्ट वाच र शरीरमा पहिरिन योग्य विभिन्न प्रकारका डिभाइसहरुमा समेत प्रयोग गर्न सकिन्छ । यसबाट फोन गर्ने र डाटा चलाउने लगायतका विभिन्न कार्य गर्न सकिन्छ ।
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया