पचास करोडको बोनस बाँड्न शाइन रेसुङ्गाले बोलायो एजीएम

शाइन रेसुङ्गा डेभलपमेन्ट बैंकले ५० करोड २८ लाख ७४ हजार १९८ रुपैयाँ ९० पैसा बराबरको बोनस सेयर वितरण गर्न साधारण सभा आह्वान गरेको छ ।

बैंक सञ्चालक समितिको बैठकले पुस २५ गते सोमबार ड्रिमल्याण्ड गोल्ड रिसोर्ट एण्ड होटल प्रालि मणिग्राम रुपन्देहीमा बिहान ११ बजे चौधौँ वार्षिक साधारण सभा बोलाएको हो ।

बैंकले गत आव २०७८/७९ बाट सेयरधनीलाई सेयर प्रिमियम सहित वितरणयोग्य सञ्चित मुनाफाबाट चुक्ता पूँजीको १३.३० प्रतिशत बोनस सेयर र बोनसमा लाग्ने कर प्रयोजनार्थ ०.७० प्रतिशत नगद लाभांश वितरण गर्ने विशेष प्रस्ताव साधारण सभाबाट पारित गर्दैछ ।

सभामा अन्य बैंक तथा वित्तीय संस्था एक आपसमा मर्जर तथा एक्विजिशन सम्बन्धी आवश्यक कार्यहरु गर्न तथा प्रबन्धपत्र तथा नियमावली संशोधन गर्नका लागि सञ्चालक समितिलाई अख्तियारी दिने प्रस्ताव पनि रहेको छ ।

इसैगरी चालु आव २०७९/८० का लागि लेखापरीक्षक नियुक्त र पारिश्रमिक निर्धारण गर्ने लगायतका अन्य साधारण प्रस्तावहरु पनि सभाबाट पारित गर्नेछ ।

शाइन रेसुङ्गाले साधारण सभा तथा लाभांश वितरण प्रयोजनार्थ पुस १२ गते मंगलबारदेखि २५ गते सोमबारसम्म सेयरधनी दर्ता किताब बन्द (बुकक्लोज) मिति निधर्धारण गरेको छ ।

बुकक्लोज अनुसार पुस ११ गते सोमबारसम्म नेप्सेमा सेयर कारोबार भइ कायम सेयर लगानीकर्ताहरु मात्र बैंकको साधारण सभामा सहभागिता जनाउन र लाभांश प्राप्त गर्न सक्नेछन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।