यति एयरलाइन्स दुर्घटनाको ८६ करोड रुपैयाँ बढीको बीमा दाबी पर्ने अनुमान

आइतबार पोखरामा भएको यति एयरलाइन्स दुर्घटनाको ६६ लाख ४० हजार अमेरिकी डलर (अहिलेको विनिमय दर अनुसार ८६ करोड ३२ लाख रुपैयाँ) भन्दा बढीको बीमा दाबी पर्ने अनुमान गरिएको छ ।

नेपाल बीमा प्राधिकरणका अनुसार हिमालयन एभरेष्ट्र इन्स्योरेन्स कम्पनीले जहाज, यात्रु, क्रु मेम्मर र तेस्रो पक्षको बीमा गरेको छ ।

प्राधिकरणका अनुसार जहाजको मात्रै करिब ५० लाख अमेरिकी डलर (६५ करोड रुपैयाँ) बराबरको बीमा भएको छ । त्यस्तै, पाइलट र को पाइलटको एक÷एक लाख अमेरिकी डलर (दुई करोड ६० लाख रुपैयाँ) बीमा गरिएको छ । त्यस्तै, एयरहोस्टेजको ४० हजार अमेरिकी डलरको बीमा भएको छ । जहाजमा दुई एयरहोस्टेज थिए । जस अनुसार कम्पनीले दुई एयरहोस्टेजको ८० हजार अमेरिकी डलर (एक करोड ४ लाख रुपैयाँ) बराबरको बीमा गरेको छ ।

त्यस्तै, यात्रुको प्रति व्यक्ति २० हजार अमेरिकी डलर बराबरको बीमा भएको छ । जहाजमा ६८ जना यात्रु थिए । जस अनुसार यात्रुको मात्रै १३ लााख ६० हजार अमेरिकी डलर (१७ करोड ६८ लाख रुपैयाँ ) बराबरको बीमा भएको छ । त्यस्तै, तेस्रो पक्षको भने दाबी स्पष्ट भै सकेको छैन ।

दुर्घटना पछि हिमालयन एभरेष्ट्रले विदेशी सर्भेयर परिचालन गरेको छ । कम्पनीले युरोपका विभिन्न पुर्नबीमा कम्पनीसँग पुर्नबीमा गरेको छ । यस्तो खालको दुर्घटनामा पुर्नबीमा कम्पनीले तोकेको सर्भेयर र नेपाली सर्भेयरको सहकार्यमा सर्भे गरिन्छ ।

आइतबार काठमाडौबाट विहान १०.३२ बजे पोखराको लागि उडेको यति एयरलाइन्सको एनवाइटि ६९१, ९एन–एएनसी जहाज विहानमा १०.५० पोखराका स्थित सेती खोचमा दुर्घटना भएको थियो ।

नेपाल नागरिक उडड्यन प्राधिकरणका अनुसार दुर्घटना भएको जहाजमा चालक दल सहित ७२ यात्रु सवार थिए । जसमा २५ जना महिला, ३७ पुरुष, तीन जना बालक र तीन जना शिसु थिए । दुर्घटनामा सबैको मृत्यू भएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।