सञ्चालनमा रहेका २२ वाणिज्य बैंकहरुमध्ये २० बैंकले चालु आर्थिक वर्षको दोस्रो त्रैमासिक वित्तीय विवरण सार्वजनिक गरेका छन् । अपरिष्कृत वित्तीय विवरण सार्वजनिक गरेका २० बैंकमध्ये ७ बैंकको नाफा अघिल्लो आवको दोस्रो त्रैमासको तुलनामा खुद नाफा घटेको छ ।
यस्तै अन्य चार बैंकले ५० प्रतिशतभन्दा धेरैले नाफा बढाएका छन् । कुमारी बैंक र नेपाल इन्भेष्टमेन्ट मेगा बैंक लिमिटेडले भने वित्तीय विवरण सार्वजनिक गर्न बाँकी छ ।
समीक्षा अवधिमा १३ वाणिज्य बैंकले नाफा बढाएका छन् । जसमा सबैभन्दा धेरै एभरेष्ट बैंकले गत आवको दोस्रो त्रैमासको तुलनामा ८९ प्रतिशतले नाफा बढाएको छ । स्ट्याण्डर्ड चार्टर्ड बैंकले ६१, नबिल बैंकले ५६ प्रतिशत र नेपाल एसबिआई बैंकको खुद नाफा ५० प्रतिशतभन्दा धेरैले बढेको छ ।
समीक्षा अवधिमा कृषि विकास बैंकको खुद नाफा सर्वाधिक १०९ प्रतिशतले घटेको छ । बैंक चालु आवको ६ महिना अवधिमा करिब १३ करोड रुपैयाँ नोक्सानीमा पुगेको छ । राष्ट्र बैंकको निर्देशन अनुसार २ अर्ब १७ करोड रुपैयाँ सम्भावित कर्जा नोक्सानी वापत व्यवस्था गरेपछि बैंकको नाफा ऋणात्मक हुन पुगेको हो ।
चालु आवको ६ महिना अवधिमा अन्य ६ वाणिज्य बैंकहरुको नाफा पनि घटेको छ । यस अवधिमा सिटिजन्स बैंक, सिद्धार्थ बैंक, नेपाल बैंक, सनराइज बैंक, प्रभु बैंक र प्राइम कमर्सियल बैंकको पनि नाफा घटेको छ । कोभिड–१९ संक्रमणका कारण बैंक तथा वित्तीय संस्थाहरुको प्रवाहित कर्जा असुलीमा सहजता नभई खराब कर्जा बढेको छ । यसरी खराब कर्जा बढेपछि जोखिम व्यवस्थापन बढ्दा बैंकहरुको नाफा प्रभावित भएको हो ।
वित्तीय विवरण सार्वजनिक गरेका कृषि विकास बैंक बाहेक अन्य १९ बैंकले ३० अर्ब २६ करोड ३८ लाख रुपैयाँ खुद नाफा आर्जन गरेका हुन् । ती १९ बैंकले गत आवको सोही अवधिमा २५ अर्ब ६६ करोड नाफा आर्जन गरेका थिए । समीक्षा अवधिमा १७.९५ प्रतिशत खुद नाफा वृद्धि भएको छ । अघिल्लो आवको ६ महिनामा १ अर्ब ४२ करोड २५ लाख खुद नाफा आर्जन गरेको कृषि विकास बैंकको सम्भावित कर्जा नोक्सनी बढ्दा १३ करोड नोक्सानीमा पुगेको छ ।
S.N. | Commercial Banks | Net Profit | ||
2079 Poush | 2078 Poush | Change% | ||
1 | Everest Bank Limited | 1588003.00 | 838920.00 | 89.29 |
2 | Standard Chartered Bank Limited | 1753635.00 | 1086770.00 | 61.36 |
3 | Nabil Bank Limited | 3417698.00 | 2181420.00 | 56.67 |
4 | Nepal SBI Bank Limited | 1177194.32 | 782781.12 | 50.39 |
5 | Rastriya Banajya Bank | 2711851.61 | 1919505.72 | 41.28 |
6 | NIC Asia Bank Ltd. | 3273330.26 | 2402066.31 | 36.27 |
7 | Laxmi Bank Limited | 1077115.00 | 817398.00 | 31.77 |
8 | Himalayan Bank Limited | 954704.99 | 743450.90 | 28.42 |
9 | Civil Bank Ltd | 637022.00 | 504001.00 | 26.39 |
10 | Sanima Bank Limited | 1285379.52 | 1077068.52 | 19.34 |
11 | NMB Bank Limited | 1901153.00 | 1711519.00 | 11.08 |
12 | Global IME Bank Limited | 2782379.00 | 2663384.00 | 4.47 |
13 | Machhapuchhre Bank Limited | 1025262.14 | 1010830.47 | 1.43 |
14 | Prime Commercial Bank Ltd. | 1652044.75 | 1678589.95 | -1.58 |
15 | Prabhu Bank Limited | 1199961.00 | 1262010.00 | -4.92 |
16 | Sunrise Bank Limited | 653957.25 | 745544.61 | -12.28 |
17 | Nepal Bank Limited | 1170655.43 | 1417058.84 | -17.39 |
18 | Siddhartha Bank Limited | 1161199.79 | 1577313.80 | -26.38 |
19 | Citizen Bank International Limited | 841333.05 | 1239349.55 | -32.11 |
20 | Agriculture Development Bank | -128933.57 | 1422512.58 | -109.06 |
21 | Kumari Bank Limited | ? | ? | ? |
22 | Nepal Investment Mega Bank | ? | ? | ? |
नबिल बैंकले साढे ३ अर्ब कमाउँदा अन्य तीन बैंकको नाफा २ अर्ब माथि
चालु आर्थिक वर्षको ६ महिना अवधिमा नबिल बैंकले सबैभन्दा धेरै ३ अर्ब ४१ करोड ७७ लाख रुपैयाँ खुद नाफा आर्जन गरेको छ । गत आर्थिक वर्षको ६ महिना अवधिको तुलनामा ५६.६७ प्रतिशतले धेरै हो । नेपाल बंगलादेश बैंकलाई प्राप्ती गरेपछि नबिल बैंकको नाफामा उच्च वृद्धि भएको हो ।
यस्तै एनआईसी एशिया बैंकले ३६ प्रतिशतले नाफा बढाएर ३ अर्ब २७ करोड ३३ लाख रुपैयाँ, बैंक अफ काठमाण्डूलाई प्राप्ती गरी पूँजीका आधारमा सबैभन्दा ठूलो बैंकले बनेको ग्लोबल आइएमई बैंकले पुस मसान्तसम्ममा २ अर्ब ७८ करोड २३ लाख रुपैयाँ नाफा कमाएको छ ।
बैंकको नाफा ४.४२ प्रतिशतले मात्रै बढेको छ । बैंक अफ काठमाण्डूले एकीकृत कारोबारको अघिल्लो दिनसम्म २४ पुससम्म गरेको नाफा बैंकले रिटर्न अर्निङमा ट्रान्सफर गरेको जनाएको छ ।
यस्तै सरकारी स्वामित्वको राष्ट्रिय वाणिज्य बैंकले २ अर्ब ७१ करोड १८ लाख रुपैयाँ नाफा कमाएको छ । बैंकले खुद नाफा ४१.२८ प्रतिशतले बढाएको हो । अन्य बैंकहरुको नाफा २ अर्ब रुपैयाँभन्दा कम छ ।
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया