सञ्चालनमा रहेका २१ वाणिज्य बैंकहरुमध्ये ७ बैंकको खुद नाफा घटेको छ । गत आर्थिक वर्षको तुलनामा चालु आवको ९ महिना अर्थात चैतसम्मको अवधिमा कृषि विकास बैंक, सिद्धार्थ, सिटिजन, नेपाल बैंक, माछापुच्छ्रे, प्राइम कमर्सियल र सनराइज बैंक लिमिटेडको खुद नाफा घटेको हो ।
बिहीबार सार्वजनिक भएको चालु आर्थिक वर्ष २०७९/८० को तेस्रो त्रैमाससम्मको अपरिष्कृत वित्तीय विवरण अनुसार १४ बैंकको भने नाफा बढेको छ । समीक्षा अवधिमा नबिल बैंकले सर्वाधिक ५ अर्ब रुपैयाँभन्दा धेरै मुनाफा आर्जन गर्दा कृषि विकास बैंकले सबैभन्दा कम १ अर्ब रुपैयाँ खुद नाफा आर्जन गरेको छ ।
चालु आर्थिक वर्ष २०७९/८० को तेस्रो त्रैमाससम्म ७ वाणिज्य बैंकहरुको नाफा घटेपनि १४ बैंकको मुनाफा बढेका कारण वाणिज्य बैंकहरुको खुद नाफा औसतमा भने ११.६७ प्रतिशतले बढेको छ । गत आर्थिक वर्षको ९ महिना अवधिमा ४३ अर्ब ६१ करोड ३८ लाख ३८ हजार रुपैयाँ खुद नाफा कमाएका बैंकहरुले चालु आवको सोही अवधिमा ५ अर्ब ९ करोड ११ लाख ४१ हजार रुपैयाँले वृद्धि गर्दै ४८ अर्ब ७० करोड ४९ लाख ७९ हजार खुद नाफा आर्जन गरेका हुन् ।
S.N. | Bank | Profit 2079 Chaitra | Profit 2078 Chaitra | Change% |
1 | NABIL | 5,116,174.00 | 3,352,043.00 | 52.63 |
2 | Global IME | 4,358,264.00 | 3,726,212.00 | 16.96 |
3 | NIC Asia | 4,014,924.55 | 3,604,598.21 | 11.38 |
4 | Rastriya Banijya | 3,576,774.55 | 2,616,719.60 | 36.69 |
5 | Nepal Investment Mega | 3,046,123.00 | 2,477,261.00 | 22.96 |
6 | NMB | 2,682,532.00 | 2,665,291.00 | 0.65 |
7 | Standard Chartered | 2,610,087.00 | 1,628,774.00 | 60.25 |
8 | Prime | 2,467,556.93 | 2,722,020.20 | -9.35 |
9 | Everest | 2,466,064.00 | 1,516,324.00 | 62.63 |
10 | Prabhu | 1,954,625.00 | 1,752,923.00 | 11.51 |
11 | Kumari | 1,820,295.53 | 1,802,771.57 | 0.97 |
12 | Nepal SBI | 1,803,285.80 | 1,300,022.45 | 38.71 |
13 | Nepal Bank | 1,782,329.99 | 2,192,931.82 | -18.72 |
14 | Himalayan | 1,738,862.82 | 1,391,578.94 | 24.96 |
15 | Sanima | 1,711,613.82 | 1,592,623.66 | 7.47 |
16 | Siddhartha | 1,490,101.04 | 2,088,561.91 | -28.65 |
17 | Machhapuchhre | 1,351,952.47 | 1,551,772.62 | -12.88 |
18 | Laxmi | 1,265,345.00 | 858,967.00 | 47.31 |
19 | Citizen | 1,236,061.60 | 1,589,651.01 | -22.24 |
20 | Sunrise | 1,170,968.48 | 1,277,397.82 | -8.33 |
21 | Agriculture Development | 1,041,037.97 | 1,905,393.79 | -45.36 |
Total | 48,704,979.55 | 43,613,838.60 | 11.67 |
नाेटः खुद नाफा रकमलाइ हजार गणना गरी देखाइएकाे छ ।
नबिलले नौ महिनामै कमायो ५ अर्ब बढी नाफा, खराब कर्जा उच्चदरले बढ्यो
एनआईसी एसिया बैंकको ९ महिनाको नाफा ४ अर्ब बढी, जगेडामा १७ अर्ब
एभरेष्ट बैंकको नाफा २ अर्ब ४६ करोड, वितरण योग्य ३ अर्ब ३६ करोड
नेपाल इन्भेष्टमेन्ट मेगा बैंकको खराब कर्जा बढ्यो, वितरणयोग्य नाफा १ अर्ब २७ करोड ऋणात्मक
नबिल बैंकले कमायो सर्वाधिक नाफा, पाँच बैंकको तीन अर्ब माथि
प्रकाशित वित्तीय विवरण अनुसार चैत मसान्तसम्ममा नबिल बैंकले सबैभन्दा बढी ५ अर्ब ११ करोड ६१ लाख ७४ हजार रुपैयाँ खुद नाफा कमाएको छ । बैंकको नाफा गत आवको सोही अवधिको तुलनामा ५२.६३ प्रतिशतले बढेको हो । गत आर्थिक वर्षको सोही अवधिसम्ममा बैंकले ३ अर्ब ३५ करोड २० लाख ४३ हजार रुपैयाँ नाफा कमाएको थियो ।
यस्तै चालु आर्थिक वर्षको चैत मसान्तसम्ममा ग्लोबल आईएमई बैंकले ४ अर्ब ३५ करोड, एनआईसी एशिया बैंकले ४ अर्ब १ करोड, सरकारी स्वामित्वको राष्ट्रिय वाणिज्य बैंकले ३ अर्ब ५७ करोड र नेपाल इन्भेष्टमेन्ट मेगा बैंकले ३ अर्ब ४ करोड रुपैयाँ खुद नाफा आर्जन गरेको छ । तीन अर्बभन्दा धेरै खुद नाफा कमाउने बैंकको संख्या पाँच रहेको छ ।
यस्तै चारवटा वाणिज्य बैंकहरु एनएमबि, स्ट्याण्डर्ड चार्टर्ड, प्राइम कमर्सियल र एभरेष्ट बैंकले २ अर्बभन्दा बढी ३ अर्बभन्दा कम नाफा आर्जन गरेका छन् । जस अन्तर्गत एनएमबि बैंकले २ अर्ब ६८ करोड, स्ट्याण्डर्ड चार्टर्डले २ अर्ब ६१ करोड, प्राइम कमर्सियल बैंकले २ अर्ब ४६ करोड र एभरेष्ट बैंकले पनि २ अर्ब ४६ करोड धेरै नाफा कमाएका छन् । बाँकी बाह्र वाणिज्य बैंकको नाफा दुई अर्बभन्दा कम रहेको छ ।
चालु आवको चैतसम्म प्रभु बैंकले १ अर्ब ९५ करोड, कुमारी बैंकले १ अर्ब ८२ करोड, नेपाल एसबिआई बैंकले १ अर्ब ८० करोड, नेपाल बैंक १ अर्ब ७८ करोड, हिमालयन बैंकले १ अर्ब ७३ करोड, सानिमा बैंकले १ अर्ब ७१ करोड, सिद्धार्थ बैंकले १ अर्ब ४९ करोड,माछापुच्छ्रे बैंकले १ अर्ब ३५ करोड, लक्ष्मी बैंकले १ अर्ब २६ करोड, सिटिजन बैंकले १ अर्ब २३ करोड, सनराइज बैंकले १ अर्ब १७ करोड र कृषि विकास बैंकले १ अर्ब ४ करोड रुपैयाँ खुद नाफा आर्जन गरेको छ ।
एभरेष्ट बैंकले सबैभन्दा धेरै नाफा, ११ बैंकको दोहोरो प्रतिशतमा बढोत्तरी
हाल सञ्चालनमा रहेका २१ वटा वाणिज्य बैंकमध्ये सबैभन्दा धेरै एभरेष्ट बैंकले खुद नाफा वृद्धि गरेको छ भने कुल एघार बैंकले दाेहाेराे अंककाे प्रतिशतमा खुद नाफा वृद्दि गरेका छन् । एभरेष्ट बैंकले गत आवको चैतको तुलनामा चालु आवको चैतमा ६२.६३ प्रतिशतले नाफा बढाएको छ । यसैगरी स्ट्याण्डर्ड चार्टर्ड बैंकले खुद नाफा ६०.२५ प्रतिशत र नेपाल बंगलादेश बैंक गाभेको नबिल बैंकले ५२.६३ प्रतिशतले खुद नाफा बढोत्तरी गरेको छ ।
समीक्षा अवधिमा लक्ष्मी बैंकको खुद नाफा ४७.३१ प्रतिशत, नेपाल एसबिआई ३८.७१, राष्ट्रिय वाणिज्य बैंक ३६.६९, सिभिल बैंक प्राप्ती गरेकाे हिमालयन बैंकले २४.९६, इन्भेष्टमेन्ट र मेगा एक भएकाे नेपाल इन्भेष्टमेन्ट मेगा बैंकले २२.९६, ग्लोबल आईएमई बैंकले १६.९६, सेञ्चुरी प्राप्ती गरेकाे प्रभु बैंकले ११.५१ र एनआईसी एशिया बैंकको खुद नाफा ११.३८ प्रतिशतले बढेको छ । विसं २०७८ को तुलनामा २०७९ चैतमा सानिमा बैंकको खुद नाफा ७.४७ प्रतिशत, कुमारी बैंक ०.९७ र एनएमबि बैंकको ०.६५ प्रतिशतले बढेको छ ।
सात बैंकको नाफा घट्यो, कृषि विकास बैंकको सर्वाधिक गिरावट
बैंकहरुले प्रकाशित गरेको वित्तीय विवरण अनुसार चालु आवको ९ महिना अवधिमा सात वाणिज्य बैंकहरुको खुद नाफा गत आर्थिक वर्षको तेस्रो त्रैमासको तुलनामा घटेको छ । जसमध्ये कृषि विकास बैंकको नाफा सबैभन्दा बढी ४५.३६ प्रतिशतले खुद नाफा घटेको छ । यस्तै सिद्धार्थ बैंकको २८.६५, सिटिजन बैंकको २२.२४, नेपाल बैंक १८.७२, माछापुच्छ्रे बैंकको १२.८८, प्राइम कमर्सियल बैंकको ९.३५ र सनराइज बैंकको सबैभन्दा कम ८.३३ प्रतिशतले खुद नाफा घटेको तथ्याङ्क छ ।
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया