सेयर कारोबार गरेको दिन नै फन्ड सेटलमेन्ट गर्ने सेबीको घोषणा

भारतीय सेयरबजार नियामक संस्था– सेक्युरिटिज एन्ड एक्सचेन्ज बोर्ड अफ इन्डिया (सेबी) ले सेयर कारोबार गरेकै दिन फन्ड सेटलमेन्ट गर्न मिल्ने सुविधा ल्याउने भएको छ ।

सन् २०२३ को अक्टोबर महिनादेखि सुरु हुनेगरी टी+१ सेटलमेन्ट सुविधा सञ्चालनमा ल्याउने गरी तयारी गरिरहेको सेबीकी अध्यक्ष माधवी पुरी बुचले बताइन्।
हाल सेयर कारोबार गरेको दुई दिनमा रकम भुक्तानी गरी फस्र्यौट गर्नुपर्ने व्यवस्था छ । टी+१ नीति लागु गरेसँगै त्यसले भुक्तानीमा पारदर्शीता, प्रतिस्पर्धा र दक्षता वृद्धि गर्ने विश्वास गरिएको छ ।

टी+१ प्रणाली भन्नाले सेयर खरिद गरेको २४ घन्टा भित्रमा सेयर बेच्ने लगानीकर्ताको बैंक खातामा कर कटौती गरी सेयर मूल्य बराबरको रकम र सेयर किन्ने लगानीकर्ताको खातामा सेयर निकासा गर्ने व्यवस्थालाई बुझिन्छ । हाल टी+१ प्रणाली चीनमा मात्रै रहेको छ । यससँगै भारत टी+१ सेवा लागु गर्ने दोस्रो देश बनेको हो ।

हाल नेपालमा भने सेयर कारोबार गरेको २ दिन (टी+२) भित्रमा फस्र्यौट हुने व्यवस्था रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।