सामुहिक लगानी कोषका ११ योजनाले घोषणा गरे प्रतिफल

गत आर्थिक वर्ष २०७९/८० को नाफाबाट ११ सामुहिक लगानी कोष योजना (म्युचुअल फन्ड) ले इकाईधनीलाई वितरण गर्ने लाभांश प्रस्ताव गरेका छन् ।

हालसम्म लक्ष्मी म्युचुअल फन्डका २, कुमारी सामुहिक लगानी कोष योजनाका २, एनआईबिएल म्युचुअल फन्डका २, सिद्धार्थ म्युचुअल फन्डका २ र सिटिजन म्युचुअल फन्डको १ योजनाले इकाईधनीलाई वितरण गर्ने प्रतिफल घोषणा गरेको हो । यस्तै एनआईसी एशिया बैंक म्युचुअल फन्ड, सनराइज म्युचुअल फन्ड र सिटिजन म्युचुअल फन्ड अन्तरगतका एक।एक योजनाले लाभांश घोषणा गरेका हुन् ।

प्रतिफल घोषणा भएका कुल ११ योजनामध्ये दुई खुलामुखी र ९ बन्दमुखी रहेका छन् । ९ योजनाको बुकक्लोज भैसकेको छ भने सनराइज फर्स्ट म्युचुअल फन्ड र एनआईबिएल प्रगति फन्डको इकाईका लगानीकर्ताले भने अझैपनि सेयर खरिद गरे लाभांश प्राप्त गर्न सक्नेछन् । यी दुई योजनाको बुकक्लोज हुन बाँकी छ । सनराइज फर्स्टले गत आवबाट कर सहित १६ प्रतिशत नगद र एनआईबिएल प्रगति फन्डले ६.८० प्रतिशत नगद वितरणको प्रस्ताव गरेको छ ।

हेरौं कुन फन्डको कति बाँड्यो प्रतिफलः–

हालसम्म दोस्रो बजारमा ३६ वटा बन्दमुखी योजना र ७ वटा खुलामुखी योजना सञ्चालनमा रहेका छन् । यस्तै हालसम्म ७ वटा योजनाको अवधि समाप्त भई परिपक्क भैसकेका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।