मुक्तिनाथ कृषि कम्पनीको आईपीओ बाँडफाँड

मुक्तिनाथ कृषि कम्पनीले जारी गरेको सेयर बाँडफाँड गरिएको छ। निष्काशन तथा बिक्री प्रबन्धक एनआइएमबि एस क्यापिटल लिमिटेड काठमाडौंमा बिहीबार बिहान रितपूर्वक आवेदन दिएकाहरुलाइ सेयर बाँडफाँड गरिएको हो ।

कम्पनीले पुँजी ७० करोड रुपैयाँ मध्ये २० प्रतिशत अर्थात १४ करोड रुपैयाँ रकम बराबरको १४ लाख कित्ता साधारण सेयर सर्वसाधारणलाई छुट्टयाएको थियो । उक्त सेयरमध्येको १० प्रतिशत अर्थात १ लाख ४० हजार कित्ता शेयर प्रति सेयर एक सय रुपैयाँ अङ्कित दरमा विदेशमा रोजगार गरिरहेका नेपालीहरुका लागि बिक्री खुला गरिएको थियो ।

एक लाख ४० हजार कित्ता सेयर खरिदका लागि ३१ हजार १९६ जना आवेदकबाट आवेदन प्राप्त भएकोमा ३० कित्ता सेयरका लागि २ जना आवेदकहरुको आवेदन रितपुर्वक नदेखिएकोले उक्त २ आवेदनहरुलाई रद्द गरिएको छ । ३१ हजार १९४ जना आवेदकहरुबाट ७ लाख २३ हजार ४० कित्ता सेयरको लागि रितपूर्वक आवेदन प्राप्त भएकोमा निष्काशन गरिएको धितोपत्र भन्दा अधिक धितोपत्रको लागि माग भएको थियो ।

प्रत्येक आवेदकलाई न्यूनतम १० कित्ता धितोपत्र बाँडफाँड गर्न अपुग हुने हुँदा गोलाप्रथाको माध्यमबाट १४ हजार आवेदनकर्ता छनौट गरी न्यूनतम १० कित्ताका दरले सेयर बाँडफाँड गरिएको छ ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।