कुरीलोको मूल्य एक महिनामा प्रतिकेजी १२ सय रुपैयाँले बढ्यो

एक महिनाको अवधिमा कुरीलो मूल्य प्रतिकेजी १२ सय रुपैयाँले बढेको छ । स्वास्थ्यका लागि निकै उपयोगी मानिने कुरिलो औषधीय गुण भएको बहुवर्षीय लहरायुक्त वनस्पति हो ।

औषधीको रुपमा प्रयोग गरिने भएकोले पनि यसको मूल्यमा भारी वृद्धि भएको हो ।कालिमाटी तरकारी तथा फलफूल बजारमा बिहीबार कुरीलोको प्रतिकेजी मूल्य २ हजार २ सय ५० रुपैयाँ तोकिएको छ । एक महिना अघि (पुस ४ गते) कुरिलोको मूल्य १ हजार ५० रुपैयाँ तोकिएको थियो । मंसिर ४ गते कुरिलो १ हजार रुपैयाँ रहेको थियो ।

कुरिलोमा प्रशस्त मात्रामा प्रोटिन, भिटामिन, फाइबर, क्याल्सियमसँगै अन्य विभिन्न पौष्टिक तत्व पाइने भएकोले यसको माग बढ्दै गएको छ । माग बढ्दै गए पनि उत्पादन नबढ्दा यसको भाउमा वृद्धि भएको हो ।

बिहीबार कुन तरकारीको भाउ कति ?

बिहीबार नेपाली ठूलो गोलभेँडा प्रतिकेजी न्यूनतम ४० रुपैयाँ तोकिएको छ भने अधिकतम मूल्य ५० रूपैँया तोकिएको छ । भारतीय ठूलो गोलभेँडा प्रतिकेजी न्यूनतम ५० रुपैयाँ तोकिएको छ भने अधिकतम मूल्य ६० रूपैँया तोकिएको छ ।

यस्तै आज लोकल गोलभेँडा १८ देखि २५ रुपैयाँ रहेको छ । आज प्रतिकिलो भारतीय प्याज ८० देखि ८५ रूपैयाँ तोकिएको छ भने चिनियाँ प्याजको भाउ ६० देखि ६५ रूपैयाँ प्रतिकिलो छ ।