एसिआई वर्ल्डवाइडले एनसीएचएलको नेशनल पेमेन्ट स्वीच निर्माण तथा संचालन गर्ने

नेपाल क्लियरिङ हाउस एनसीएचएलले अन्तराष्ट्रिय भुक्तानी सेवाका लागि सञ्चालनमा ल्याउने उद्देश्य राखेको नेशनल पेमेन्ट स्वीचको निर्माणकर्ता तथा सञ्चालकमा एसीआई वर्ल्डवाइडलाई जिम्मेवारी दिएको छ ।

विश्वका विभिन्न बैंक तथा वित्तीय संस्थाहरुको भुक्तानी सफ्टवेयर निर्माण गरेको एसीआई वर्ल्डवाइडले एनसीएचएलको नेशनल पेमेन्ट स्वीच अन्तर्गतको नेशनल कार्ड स्वीच र डोमेस्टिक कार्ड–नेपालपेको निर्माण गर्ने भएको हो ।

आज एनसीएचएलले एसीआई वर्ल्डवाइडलाई नेशनल पेमेन्ट स्वीच निर्माणका लागि नियुक्त गरेको हो । यस सहकार्यले नेपालको भुक्तानी प्रणाली तथा यहाँको इकोसिस्टमलाई सुधार गरी थप बलियो बनाउने एनसीएचएलका प्रमुख कार्यकारी अधिकृत निलेश मान सिंह प्रधानले जनाएका छन् ।

नेशनल कार्ड स्वीचको निर्माण भएसँगै बैंक तथा वित्तीय संस्थाहरुले नेपालमै बनेको नेपालपे कार्ड लागू गर्न सक्नेछन् । हाल नेपालमा भिसा, मास्टर कार्ड लगायतका अन्तराष्ट्रिय पेमेन्ट गेटवेहरुको प्रयोग हुँदै आएको छ । नेपालपेको स्थापनासँगै यसले नेपालीहरुमा एटिएम सुविधा थप सहज र सस्तो बनाउने आशा गरिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।