राष्ट्रिय योजना आयोगको सदस्यमा चार जना नियुक्त, चुडामणि पौडेल सचिवमा बढुवा

सरकारले राष्ट्रिय योजना आयोगको रिक्त पदमा चार सदस्य नियुक्त गरेको छ।

बिहीबार बिहान सिहंदरबारमा बसेको मन्त्रिपरिषद्को बैठकले योजना आयोगको सदस्यमा प्रा संगीता सिंह, डा कुसेन्द्रबहादुर महत, प्रा. शिवराज अधिकारी र डा अरनिकोकुमार पाँडेलाई नियुक्त गर्ने निर्णय गरेको हो।

सत्ता समीकरण बदलिएसँगै नेपाली कांग्रेस र जनमत पार्टीबाट राष्ट्रिय योजनाका सदस्यमा नियुक्त चार सदस्यहरुले राजीनामा दिएका थिए । डा. प्रभु बुढाथोकी, डा. आरपी बिच्छा, डा. अनिता शाह ढुंगाना र डा. जयकान्त राउतले राजीनामा दिएपछि रिक्त पदमा आजको मन्त्रिपरिषद बैठकले नियुक्तिको निर्णय गरेको हो ।

यस्तै बैठकले नेपाल प्रशासन सेवा समूहीकरणतर्फको राजपत्रांकित विशिष्ट श्रेणीको रिक्त सचिव पदमा चुडामणि पौडेललाई बढुवा गर्ने निर्णय पनि भएको बैठकपछि सरकारकी प्रवक्ता रेखा शर्माले जानकारी दिइन् ।

त्यस्तै नेपाल र गणतन्त्र कोरियाबीच कूटनीतिक सम्बन्ध स्थापना भएको ५० वर्ष पूरा भएको अवसरमा कोरियाली सातजना र नेपाली जना तीनजना गरी दशजना पर्वतारोहीहरुलाई सिन्धुपाल्चोकमा अवस्थित जुगल १ (६५९१ मिटर) र जुगल २ (६५१८ मिटर) हिमाल आरोहण गर्दा लाग्ने सलामी दस्तुर मिनाहा दिने निर्णयसमेत गरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।