साल्ट ट्रेडिङको बोनस आजसम्म कायम सेयरधनीले मात्रै पाउने

साल्ट ट्रेडिङ कर्पोरेसनले गत आर्थिक वर्षको मुनाफाबाट प्रस्ताव गरेको बोनस सेयर आज बिहीबारसम्म नेप्सेमा सेयर कारोबार भई कायम रहने सेयरधनीले मात्रै पाउने भएका छन् ।

कम्पनीले चैत २३ गते त्रिभूवन आर्मी अफिसर्स क्लब भद्रकालीमा आह्वान गरेको साधारण सभाका लागि भोलि शुक्रबार बुकक्लोज गर्दैछ । यसअनुसार चैत ८ गतेसम्म कायम लगानीकर्ताका मात्र लाभांश पाउन र साधारण सभामा भाग लिन योग्य हुनेछन् ।

कम्पनीले चुक्ता पुँजीको १५ प्रतिशत बोनस सेयर घोषणा गरेको छ । सभाले हालको चुक्ता पूँजीको १५ प्रतिशतले हुने बोनस सेयर र सोको कर प्रयोजनार्थ ०.७९ प्रतिशत नगद लाभांश वितरण गर्ने प्रस्ताव पनि पारित गर्नेछ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।