वैदेशिक ब्यापारमा १३० देशसँग घाटा ब्यहोर्दै नेपाल, डेनमार्कसँग सबैभन्दा धेरै नाफा

नेपालले चालु आर्थिक वर्ष २०८०–८१ को ९ महीना अवधिमा नेपालले १६२ देशसँग वैदेशिक ब्यापार गरेको छ । वैदेशिक ब्यापार भएको कुल देशमध्ये समीक्षा अवधिमा १३० देशसँगैका ब्यापार घाटा ( उच्च आयात) मा रहेको छ । ३२ ओटा देशसँग ब्यापार नाफा रहेको भन्सार विभागको तथ्याङ्क छ ।

देशमा उत्पादनमुलक उद्योग स्थापना हुन नसक्दा मुलुक पूर्णत आयातमा निर्भर बन्न पुगेको छ । चैतसम्म १२ खर्ब ८१ अर्ब ३१ करोडको कुल वैदेशिक ब्यापार भएकोमा ब्यापार घाटा मात्रै १० खर्ब ५३ अर्ब ४२ करोड रुपैयाँ बराबर रहेको छ । चालु आवको ९ महीनामा नेपालले १ खर्ब १३ अर्ब ९४ करोड ६० लाख रुपैयाँ बराबरको मालवस्तु निर्यात गरेको छ ।

चैत मसान्तसम्म सबैभन्दा धेरै व्यापार घाटा भारतसँग रहेको छ । यस अवधिमा नेपालले भारतसँग कुल ६ खर्ब ५१ अर्ब ५० करोड ३२ लाख रुपैयाँ ब्यापार घाटा ब्यहोरेको छ । चालु आवको ९ महीनामा भारतबाट नेपालमा कुल ७ खर्ब २९ अर्ब ६५ करोड ८५ लाख रुपैयाँ मूल्यको मालवस्तु आयात भएको छ भने नेपालबाट ७७ अर्ब ८५ करोड ५२ लाख रुपैयाँ बराबरको मालवस्तु निर्यात भएको छ । यस आधारमा हेर्दा नेपालमा नेपालले निर्यात गर्ने वस्तुभन्दा १०.६७ गुणा बढी बढी वस्तु भारतबाट आयात हुने गरेको छ ।

यस्तै दोस्रो ठूलो ब्यापार घाटा रहेको चीनसँग २ खर्ब १४ अर्ब ६५ करोड ५० लाख रुपैयाँ ब्यापार घाटा छ । साउनदेखि चैतसम्ममा चीनबाट कुल २ खर्ब १६ अर्ब ७६ करोड ९५ लाख मूल्यको मालवस्तु आयात भएको छ भने नेपालबाट २ अर्ब ११ करोड ४४ लाख रुपैयाँ बराबरको मालवस्तु निर्यात भएको छ । यसैगरी युनाइटेड अरब इमिरेट्ससँग १८ अर्ब ५२ करोड २७ लाख, युक्रेनसँग १४ अर्ब ९० करोड ८४ लाख, मलेसियासँग १४ अर्ब १६ करोड १० लाख, अष्ट्रेलिया ६ अर्ब ८६ करोड ३३ लाख, फ्रान्ससँग ८ अर्ब ९८ करोड ७९ लाख, इन्डोनेशियासँग ८ अर्ब ६४ करोड ४२ लाख, र अर्जेन्टिनासँग ८ अर्ब ६२ करोड ५२ लाख र दशौं ठूला ब्यापार घाटा रहेको देश थाइल्याण्डसँग ६ अर्ब ३१ करोड १४ लाख रुपैयाँ घाटा छ ।

सबैभन्दा धेरै घाटा रहेका देश यस्ता छन् :-

समीक्षा अवधिमा सबैभन्दा धेरै डेनमार्कसँग ब्यापार नाफा रहेको छ । चैत महीनासम्ममा ३२ देशसँग ब्यापार नाफा रहेको डेनमार्कसँग सबैभन्दा धेरै ३९ करोड ६ लाख रुपैयाँ ब्यापार नाफा गरेको छ । सो देशमा नेपालबाट ६७ अर्ब ८३ करोड ७५ लाखको निर्यात हुँदा २८ करोड ७७ लाख रुपैयाँ मात्र आयात भएको छ ।

दोस्रो व्यापार नाफा रहेको मुलुक अफगानस्थानसँग १८ करोड ९ लाख, नर्वेसँग १० करोड ८४ लाख, सुडानसँग ३ करोड ४३ लाख, मौरितानीयासँग ३ करोड १० लाख रुपैयाँ नाफा छ । यसैगरी चैत मसान्तसम्मको वैदेशिक ब्यापारमा लाटभियासग २ करोड ९० लाख, न्यू क्यालेडोनियासँग २ करोड ४३ लाख, माल्दिभ्ससँग २ करोड ३३ लाख, मौरिसससँग १ करोड ७० लाख रुपैयाँ र आइसल्याण्डसँग १ करोड ५४ लाख रुपैयाँ व्यापार नाफा रहेको छ ।

सबैभन्दा धेरै व्यापार नाफा रहेका देश यस्ता छन्ः–

देशमा उत्पादनमुलक उद्योग स्थापना हुन नसक्दा मुलुक पूर्णत आयातमा निर्भर बन्न पुगेको छ । चैतसम्म १२ खर्ब ८१ अर्ब ३१ करोडको कुल वैदेशिक ब्यापार भएकोमा ब्यापार घाटा मात्रै १० खर्ब ५३ अर्ब ४२ करोड रुपैयाँ बराबर रहेको छ । चालु आवको ९ महीनामा नेपालले १ खर्ब १३ अर्ब ९४ करोड ६० लाख रुपैयाँ बराबरको मालवस्तु निर्यात गरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।