जेठमा एक खर्बभन्दा बढीको धितोपत्र कारोबार, जलविद्युतको हिस्सा एक चौथाई धेरै

धितोपत्र बजारमा जेठ महीनामा एक खर्ब बढीको धितोपत्र कारोबार भएको छ । धितोपत्र दोस्रो बजारमा रूपैयाँभन्दा बढीको भन्दा बढी कित्ता धितोपत्र कारोबार भएको छ । १५ समूहको समेत गरी उक्त रकम बराबरको कारोबार भएको हो । नेप्सेका अनुसार कुल कारोबारमा जेठ महिनामा जलविद्युत समूहको सबैभन्दा हिस्सा रहेको छ ।

नेपाल स्टक एक्सचेञ्ज (नेप्से) का अनुसार जेठ महीनामा १ खर्ब ५१ करोड १४ लाख ३० हजार रुपैयाँ बराबरको २२ करोड ७५ लाख ५४ हजार ६९० कित्ता सेयर दोस्रो बजारमा खरिद बिक्री भएको हो । जसमध्ये जलविद्युत (हाइड्रोपावर) को हिस्सा मात्रै २६.८२ प्रतिशत बराबर रहेको छ ।

सबैभन्दा बढी हिस्सा जलविद्युतको जेठमा ८ करोड बढी कित्ता सेयर २६ अर्ब ९५ करोड ७४ लाख ७० हजार रुपैयाँमा खरिद बिक्री भएको छ । यस्तै जलविद्युतपछि लघुवित्तको १ करोड ९५ लाखभन्दा बढी कित्ता सेयर १९ अर्ब ६७ करोड २१ लाख ८० हजार रूपैयाँमा कारोबार भएको छ । त्यस्तै वित्त समूहको ११ अर्ब ६२ करोड ५६ लाख ५० हजार रूपैयाँका २ करोड २५ लाख ७४ हजार ३९० कित्ता कारोबार भएको छ ।

नेप्सेका अनुसार जेठ महीनामा चौधो ठूलो कारोबार लगानी समूहको भएको छ । यस समुहको जेठ महीनामा ८ अर्ब ८९ करोड ७८ लाख ६० हजार रूपैयाँ बराबरका १ करोड ३२ लाख ९६ हजार कित्ता सेयर कारोबार भएको छ । बैंकिङ समूहको जेठमा ७ अर्ब २४ करोड ३ लाख ९० हजार रूपैयाँका २ करोड ९३ लाख २४ हजार ९९० कित्ता सेयर कारोबार भएको छ । फाइनान्सभन्दा २.२० गुणा बढी कित्ता सेयर वाणिज्य बैंकको कारोबार भएपनि फाइनान्सको भन्दा मुल्य कम रहेका कारण कारोबार रकम भने ४अर्ब ३८ करोड ५२ लाख कम रहेको छ ।

जेठमा सबैभन्दा ऋणपत्रको कारोबार सबैभन्दा कम भएको नेप्सेको तथ्याङ्कले देखाउँछ । यस महीनामा ऋणपत्रको कारोबार ८ करोड १९ लाख रूपैयाँ बराबरको ७८ हजार ३६० कित्ता ऋणपत्र कारोबार भएको हो ।

यसैगरी जेठमा विकास बैंकको कारोबार ५ अर्ब २० करोड ७६ लाख ६० हजार रूपैयाँ रहेको छ । यस महीनामा विकास बैंकका १ करोड ३३ लाख २७ हजार १०० कित्ता सेयर कारोबार भएको हो । यस महीनामा उत्पादन तथा प्रशोधनमुलक समुहको ४ अर्ब ९५ करोड ७३ लाख ४० हजार रूपैयाँको ७९ लाख ९४ हजार ३६० कित्ता सेयर कारोबार भएको छ । यसैगरी जीवन बीमाको ४ अर्ब १६ करोड ७६ लाख २० हजार रूपैयाँको ८५ लाख २६ हजार, निर्जीवन बीमाको ३ अर्ब ९६ लाख २४ लाख ३० हजार रूपैयाँको ५८ लाख ९३ हजार र अन्य समुहको ३ अर्ब ६१ करोड २५ लाख रूपैयाँको ५७ लाख ४७ हजार कित्ता सेयर र होटल तथा पर्यटनमुलक समुहको जेठ महीनामा ३ अर्ब ६ करोड २५ लाख ४० हजार रुपैयाँको ४३ लाख ९३ हजार बढी कित्ता कारोबार भएको छ ।

यसैगरी जेठ महीनामा ५६ करोड २० लाख ८० हजार रूपैयाँको ३२ लाख ६० हजार बढी कित्ता संस्थापक सेयर कारोबारमा आएको छ । यस्तै व्यापार समुहमा सूचीकृत कम्पनीहरुको ३८ करोड ४८ लाख ७० हजार रूपैयाँभन्दा बढीको ८४ हजार ६४० कित्ता सेयर कारोबारमा आएको छ । प्रति इकाई दश रुपैयाँमा जारी हुने म्युुचुअल फण्डको ११ करोड ८९ लाख ४० हजार रूपैयाँको १ करोड ३५ लाख ३७ हजार बढी इकाई खरीद बिक्री भएको नेप्सेको त्थयाङ्क छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।