सुनको भाउ दुई दिनमा प्रतितोला १५ सय रुपैयाँ घट्यो

सुनको भाउ दुई दिनमा १५ सय रुपैयाँ घटेको छ । आइतबार ५०० रुपैयाँले घटेको सुनको भाउ सोमबार प्रतितोला एक हजार रुपैयाँले घटेको हो ।

नेपाल सुनचाँदी व्यवसायी महासंघका अनुसार सोमबार छापावाला सुन प्रतितोला १ लाख ६५ हजार रुपैयाँमा कारोबार भइरहेको छ । आइतबार सुनको भाउ प्रतितोला १ लाख ६६ हजार रुपैयाँ निर्धारण गरिएको थियो ।

त्यस्तै चाँदीको भाउ पनि तोलामा ५ रुपैयाँले घटेको छ । अघिल्लो दिन प्रतितोला १ हजार ९६० रुपैयाँ रहेको चाँदी आज १ हजार ९५५ रुपैयाँमा कायम भएको छ ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ ।

आइतबार अन्तर्राष्ट्रिय बजारमा सुन प्रतिऔंस २ हजार ६७२.१८ अमेरिकी डलर र चाँदी प्रतिऔंस ३१.२१ डलरमा कारोबार भइरहेको छ ।