माथिल्लो मैलुङ्ग खोला जलविद्युतले तोक्यो साधारण सभा र बुक क्लोज मिति

काठमाडौँ । माथिल्लो मैलुङ्ग खोला जलविद्युत लिमिटेडले एघारौँ वार्षिक साधारण सभा बोलाएको छ। कम्पनीले पुस २५ गते, बिहीबार, सेलीब्रेसन हाईटस्, काठमाडौँ–४, सुकेधारामा बिहान ११ बजे शुरु हुनेछ।

सभाले मर्जर तथा एक्विजिशनसम्बन्धि कार्य गर्न र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पारित गर्नेछ।

साधारण सभा तथा लाभांश वितरण प्रयोजनार्थ कम्पनीले पुस १२ गते एक दिनका लागि बुकक्लोज गर्ने भएको छ। जस अनुसार पुस ११ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन र लाभांश प्राप्त गर्न सक्नेछन्।