राष्ट्रिय बीमा कम्पनीले बोलायो ५ आर्थिक वर्षको साधारण सभा, ६ वर्षको अझै बाँकी

वित्तीय विबरणलाई अन्तिम रुप दिन नसकी किस्ताबन्दीमा साधारण सभा गर्दै आएको राष्ट्रिय बीमा कम्पनीले किस्ताबन्दीमा साधारण सभा बोलाएको छ ।

कम्पनीले आर्थिक वर्ष २०६९।७० देखि ०७३।७४ सम्मको लेखा परीक्षको प्रतिवेदन नाफा, नोक्सानको हिसाब, वित्तीय विवरण माथी छलफल गर्न साधारण सभा बोलाएको हो । वित्तीय विबरणहरु प्रयट बनाउन नसक्दा नियामकको ताकेतामा परेको कम्पनीले आर्थिक वर्ष २०७६।७७ देखि ७८।७९ को लेखा परीक्षण गर्न महालेखा परीक्षकको सीफारिसमा सञ्चालक समितिको निर्णय अनुसार लेखा परीक्षकमा सुवास पौडेल र विजय सिंह पराजुलीलाई नियुक्त गर्नेछ ।

गत आइतबार बसेको कम्पनी सञ्चालक समितिको बैठकल २०८२ सालको बैशाख ३ गते साँझ ४ बजेका लागि साधारण सभा बोलाएको हो । साधारण सभा कम्पनीको प्रधान कार्यालय रामशाहपथमा हुने छ । साधारण सभाले सञ्चालक समितिको २०८१।३।३० मा बसेको ५५ औं बैठकले स्वीकृत गरेको पुँजी वृद्धि योजना अनुमोदन गर्नेछ भने कम्पनीको प्रबन्ध पत्र र नियमावली आवश्यक्ता अनुसार संसोधन गर्न सञ्चालक समितिलाई अनुमति प्रदान गर्नेछ ।

नेपाल सरकारको मन्त्री स्तरबाट २०८१।२।३ गतेको निर्णय पछि गठित सञ्चालक समितिलाई अनुमोदन र निरन्तरता दिने साधारण सभाले कम्पनीका सेयरधनीलाई भने बक्यौता वर्षहरुको वित्तीय विबरण स्वीकृत गराउन नसकेकै कारण खालीहात राख्ने भएको छ ।