जेडटिइ स्मार्टफोनको मोडल सार्वजनिक

काठमाडौं । जेडटिइ कर्पोरेशनले आफ्नो ब्लेड ए र नुबिया सिरिजका ५ फिचर–प्याक्ड स्मार्टफोन मोडलहरु सार्वजनिक गर्दै नेपाली बजारमा पुनः प्रवेश गरेको छ । शंकर ग्रुपको सहकार्यमा जेडटिइले ब्लेड ए र नुबिया सिरिज मार्फत नेपाली ग्राहकहरुको आवश्यकताहरु पूरा गर्ने लक्ष्य राखेको छ ।

ब्लेड सिरिजको सबैभन्दा उत्कृष्ट फोनको रुपमा जेडटिई ब्लेड ए ७५ रहेको जानकारी छ । यसमा ६.६ इन्चको ९० हर्ज डिस्प्ले, शक्तिशाली अक्टा–कोर प्रोसेसर, ५० एमपीको एआइ क्यामरा, २२.५ वाटको फास्ट चार्जिङ र ५ हजार एमएएचको शक्तिशाली ब्याट्री रहेको बताएको छ । स्लिक डिजाइन, २५६ जिबीको स्टोरेज र १४ जिबीको ¥याम रहेको छ ।

त्यस्तै सामान्य प्रयोगका लागि जेडटिइ ब्लेट ए ३५ कम्प्याक्ट डिजाइन र ६.५२ इन्चको एचडि प्लस डिस्प्लेमा आएको छ । यसमा ८ एमपीको एआइ क्यामरा, ५ हजार एमएएचको शक्तिशाली ब्याट्र सहित ६ जिबीको ¥याम भएकोले दैनिक प्रयोजनको लागि अत्यन्तै उपयुक्त भएको बताएको छ ।

अर्को मोडल जेडटीई ब्लेड ए ५५ मा ६.७५ इन्चको एचडि प्लस डिस्प्ल, १२८ जिबीको स्टोरेज र १३ एमपीको एआइ डुअल क्यामरा रहेको जानकारी छ ।

जेडटीई नुबिया भी ७० म्याक्समा ६.९ इन्चको १२० हर्ज डिस्प्ले र ६ हजार एमएएचको शक्तिशाली ब्याट्री रहेको यो फोन ५० एमपीको अल्ट्रा ट्रिपल क्यामरा र एआइ एडिटिङ्ग टुलहरु भएको यस भी ७० म्याक्स १.५ मिटर माथिबाट खस्दा पनि केही नहुने कम्पनीले दाबी गरेको छ ।

अर्को मोडल जेडटीई नुबिया भी ७० डिजाइनमा १२० हर्जको ६.७ इन्च एचडी प्लस डिस्प्ले, स्टाइलिश स्काई–मिरर ग्लास र लेदर–टेक्स्चर्ड डिजाइन, ५० एमपीको अल्ट्रा ट्रिपल क्यामरा, १६ जिबीको ¥याम र १२८ जीबिको स्टोरेज साथै डिटिएस अडियो रहेको जनाएको छ ।

शंकर ग्रुपको सहकार्यले जेडटिईको नेपाली बजारमा राम्रो उपस्थिति रहने विश्वास सीइओ सबिन श्रेष्ठले बताए ।