सैनिक कल्याणकारी कोषले माग्यो करारमा कर्मचारी

काठमाडौं । सैनिक कल्याणकारी कोषले करार वा दैनिक ज्यालादारीमा कर्मचारी माग गरेको छ । सेनाले एक सुचना जारी गर्दै कुल १९ जना कर्मचारी माग गरेको हो । सेनाले एमडीजीपी फिल्ड अस्पताल बर्दिवासको लागि १ जना मागेको छ ।

यस्तै एमडीजीपी फिल्ड अस्पताल धनगडीको लागि १ जना, बीएम्एलटी १ जना, एमडीजीप १ जना, स्वास्थ्य सेवा माहाशाखा छाउनीमा एमडीजीपी २ जना, श्वेततारा मण्टेश्वरी सैनिक विद्यालय छाउनीमा १ जना को अडिनेटर मागेको छ । यस्तै नेपाली सेना व्यवसायीक कृषि तथा पशुपालन केन्द्र लमजुङको लागि कुषि प्रशिक्षक १ जना माग गरेको छ । यस्तै चिकित्सा शास्त्र महाविद्यालय भण्डारखालमा १ जना सहःप्राध्यापक र १ जना उप प्राध्यापक मागेको छ । वरदान सैनिक विद्यालय छाउनीमा १ जना स्पीच थेरापिष्ट मागेको छ ।

यस्तै असिस्टेन्ट फर्मासिस्ट २ जना, औषधी वितरक २ जना मागेको छ । भद्रकाली रिपुमर्दिनी पेट्रोल स्टेशनको लागि १ जना लेखापाल, भद्रकाली रिपुमर्दिनी पेट्रोल स्टेशन इटहरीको लागि १ जना कम्प्युटर अपरेटर र सैनिक आवासीय महाविद्यालय भक्तपुरका लागि १ जना फुटबल प्रशिक्षक मागेको हो । थप जनाकारीको लागि नेपाली सेनाको वेभसाइट  www.nepalarmy.mil.np मा हेर्न सकिने छ ।