पर्वतारोहणबाट १ करोड भन्दा बढी रोयल्टी संकलन

काठमाडौं । पछिल्लो २० दिनमा पर्वतारोहण क्षेत्रबाट १ करोड ९ लाख ७५ हजार ४४५ रुपैयाँ रोयल्टी सङ्कलन भएको छ । मार्च १ देखि २१ सम्म उक्त रकम सङ्कलन भएको पर्यटन बोर्डले जनाएको छ । उक्त समयमा सबैभन्दा बढी अन्नपुर्ण हिमालबाट १ करोड ४ लाख ७९ हजार ४२० रुपैयाँ सङ्कलन भएको छ ।

यस्तै खयाङ हिमालबाट ८ हजार रुपैया सङ्कलन भएको छ । यस्तै पोखर खाङ हिमालबाट १ लाख ३९ हजार ५ सय रुपैयाँ सङकलन भएको छ । थोरङ शिखरबाट ३ लाख १३ हजार ६५० रुपैयाँ रकम सङ्कलन भएको छ । शार्फु आईभीबाट ३४ हजार ८७५ रुपैयाँ सङ्कलन भएको छ ।

उक्त अवधिमा खयाङमा १ समुहबाट २ जना पुरुषले आरोहण गरेका छन् । यसैगरि पोखर खाङमा १ समुहबाट २ जना पुरुष र २ जना महिला गरि ४ जनाले आरोहण गरेका छन् । यस्तै अन्नपुर्णमा ४ समुहबाट ३० जना पुरुष र १२ जना महिला गरि ४२ जनाले आरोहण गर्दा, थोरङ शिखरमा १ समुहबाट ५ जना पुरुष र ४ जना महिला गरि ९ जनाले र शार्फ आईभीमा १ समुहबाट १ जना पुरुषले गरि जम्मा ८ समुहबाट ४० पुरुष र १८ महिला गरि ५८ जनाले पर्वतारोहण गरेका थिए ।

कुन देशबाट कतिले गरे आरोहण

यस अवधिमा सबैभन्दा बढि चिनबाट २० जनाले पर्वतारोहण गरेका छन् भने जर्मनीबाट २ जना महिला र २ जना पुरुष गरि ४ जनाले नेपालका विभिन्न हिमाल आरोहण गरेका छन् । यस्तै, बङ्लादेशबाट १ जना, ब्राजीलबाट १ जना पुरुष, चिलीबाट १ जनाले आरोहण गर्दा क्यानडाबाट १ जना महिला र १ जना पुरुष गरि २ जनाले हिमाल आरोहण गरेको बोर्डले जनाएको छ ।

यता, इस्टोनियाबाट १ जना महिला र १ जना पुरुष गरि २ जनाले हिमाल आरोहण गर्दा फिन्ल्याण्ड र नेपालबाट २–२ जनाले आरोहण गरेका छन् । यस्तै, जर्नीया, साइप्रस इरान, इटली, किर्गिजस्तान, लिथुआनिया, पाकिस्तान, पोल्याण्ड, रुस, पाकिस्तान, स्पेन, सिङ्गापुरबाट १–१ जनाले आरोहण गरेका छन् । यस्तै, युक्रेनबाट ३ जना र बेलायतबाट ३ जना पुरुषले आरोहण गरेका छन् ।

पर्वतारोहिले नेपाल आउनुअघिनै नेपालको भिसा प्राप्त गरिसक्नु पर्ने छ । नेपालको भिसा उपलब्ध नहुने देशको हकमा नेपालस्थित ट्राभल वा ट्रेकिङ् एजेन्सीको समन्वयमा पुर्व स्वीकृती लिनुपर्ने छ । यसरी स्वीकृती लिएका पर्यटकलाई अध्यागमन विभागबाट दफा २ बमोजिम सम्बन्धित अध्यागमन बिन्दमा भिसा उपलब्ध हुनेछ । नेपालमा पर्वतारोहण गर्दा नेपालको स्वाथ्य तथा जनसङ्ख्या मन्त्रालयको स्वास्थ्य सम्बन्धी मापदण्ड पालना गर्नुपर्ने छ । पर्वतारोहण गर्नु अघि सम्बन्धित एजेन्सीबाट सम्पुर्ण जानकारी लिनुपर्ने छ ।