चितवनको कलेज अफ मेडिकल साइन्समा न्यूरो सर्जरी सेवा पुनः सुचारु

काठमाडौँ। चितवनको कलेज अफ मेडिकल साइन्स  (पुरानो मेडिकल कलेज) मा न्यूरो सर्जरी सेवा सुरुपुनः सुरु भएको छ ।

वरिष्ठ न्युरो सर्जन प्रा. डा. आइप चेरियनको नेतृत्वमा वरिष्ठ न्यूरोसर्जन डा. बिपिन
चौरसिया सहितको चिकित्सकको टोलीले अस्पतालमा न्युरो सर्जरी सेवा दिन थालेको जनाएको छ ।

डा. चौरसियाका अनुसार अस्पतालले २४ सै घण्टा आकस्मिक न्यूरो सर्जरी सेवा र बिहान ९ देखि बेलुका ५
बजेसम्म ओपीडी सेवा प्रदान गर्नेछ । विशेष गरी सवारी दुर्घटनाबाट हुने टाउको र मेरुदण्डको चोट (न्यूरो ट्रमा)
जस्ता आकस्मिक केसहरूमा विशेष ध्यान दिइएको जानकारी दिएको हो।

“हाम्रो टिम मस्तिष्कको ट्युमर,मस्तिस्क घात, ब्रेन एन्युरिजम, टाउकोमा पानी जम्ने, मेरुदण्डको ट्युमर,
फ्र्याक्चर, ढाड दुख्ने, खुट्टा झमझम गर्ने र पक्षाघातजस्ता न्यूरोसम्बन्धी सम्पूर्ण समस्याको उपचार गर्न सक्षम छ,”
डा. चौरसियाले भने।

यो सेवाले चितवनवासीलाई काठमाडौं रिफर गर्नुपर्ने बाध्यता हटाउँदै गुणस्तरीय न्यूरोसर्जरी सेवा उपलब्ध
गराउने प्रतिबद्धता अस्पातलले व्यक्त गरेको छ ।