नवनियुक्त गभर्नरसँग बैंकका व्यवस्थापन प्रमुखहरुको भेटः बैंकिङ क्षेत्र सुधारका लागि एकजुट होऔं

नवनियुक्त गभर्नर डा. विश्वनाथ पौडेलल विद्यमान बैंकिङ क्षेत्रका चुनौतीहरूको समाधानका लागि सबै सरोकारवाला एकजुट भई अघि बढ्नुपर्ने बताएका छन् । नेपाल बैंकर्स संघका पदाधिकारीसँगको भेटका क्रममा गभर्नर पौडेलले बैंक तथा वित्तीय संस्थाहरूले देशको आर्थिक क्षेत्रमा पु¥याएको योगदानको प्रशंसा गर्दै यस्तो बताएका हुन् ।

बिहीबार नेपाल बैंकर्स संघका कार्यकारिणी समितिका पदाधिकारीहरूले नवनियुक्त गभर्नर डा. विश्वनाथ पौडेललाई भेटेर बधाई तथा शुभकामना दिएका हुन् । सो क्रममा उनीहरुले बैंकिङ्ग क्षेत्रलाई अझ सुदृढ र प्रभावकारी बनाउन विगतमा जस्तै राष्ट्र बैंकबाट निरन्तर सहयोगको अपेक्षा रहेको बताएका थिए ।