शाइन रेसुङ्गा राष्ट्रियस्तरको विकास बैंक बन्ने, भागर्वलाई एक्वायर गर्न पायो सहमति

साना साना विकास बैंकहरुलाई गाभ्दै राष्ट्रियस्तरको विकास बैंक बन्ने लक्ष्यमा रहेको शाइन रेसुङ्गा डेभलपमेन्ट बैंकले भार्गव विकास बैंकलाई एक्वायर गर्न नेपाल राष्ट्र बैंकबाट सैद्धान्तिक सहमति पाएको छ ।

शाइन डेभलपमेन्ट बैंक र भार्गव विकास बैंकले गाभ्ने गाभिने सम्बन्धि विनियमावली २०७३ को विनियम बमोजिम सम्झौता गरेका थिए । भार्गवको नेपाल स्टक एक्सचेञ्जमा गत जेठ १ गतेदेखि शेयर कारोबार रोक्का भएको छ ।

यसअघि शाइन रेसुङ्गा डेभलपमेन्ट बैंकले र पूर्णिमा विकास बैंकलाई प्राप्ति (एक्विजिशन) गर्ने सहमति गरेको थियो ।

एकतापछि शाइन रेसुङ्गा डेभलपमेन्ट बैंक राष्ट्रियस्तरको बैंक हुनेछ भने बैंकको केन्द्रीय कार्यालय बुटवलमा स्थापना गरिने छ ।

यसअघि शाइन रेसुङ्गा बैंकले प्युठानलाई कार्यक्षेत्र बनाई सञ्चालनमा रहेको गौमुखी विकास बैंकलाई गाभेको थियो । त्यसैगरी रुपन्देहीमा स्थापित साइन र गुल्मीमा स्थापित रेसुङ्गा एकापसमा गाभिएर साइन रेसुङ्गा डेभलपमेन्ट बैंक बनेको हो ।

शाइन रेसुङ्गाको चुक्ता पूँजी एक अर्ब ६२ करोड २६ लाख, पूर्णिमाको ५५ करोड १२ लाख र भागर्वको चुक्ता पुँजी ५० करोड १६ लाख रुपैयाँ रहेको छ ।