इन्भेष्टमेन्ट बैंकको २९ हजार तथा कुमारी बैंकको एक लाख दश हजार किता संस्थापक शेयर बिक्रीमा

नेपाल इन्भेष्टमेन्ट बैंकको २९ हजार ३८० कित्ता संस्थापक शेयर बिक्रीमा राखिएको छ। उक्त शेयरको न्युनतम मूल्य प्रतिशेयर २७५ रुपैयाँ तोकिएको छ ।

उक्त शेयरमा संस्थागत तथा व्यक्तिगत लगानीकर्ताले कार्तिक २१ गतेदेखि कात्तिक २८ गतेसम्म आवेदन गर्न पाउने बैंकको शेयर निष्काशन तथा बिक्री प्रवन्धक एनआईबीएल एस क्यापिटल लिमिटेडले जनाएको छ ।

एकाघर परिवारले शेयर खरिद गर्न चाहेमा सीमा भन्दा बढी नहुने गरी प्रस्ताव पेश गर्न बैंकले भनिएको छ । उक्त शेयर खरिदका लागि न्यूनतमा ३ हजार कित्ताका लागि आवेदन गर्नुपर्नेछ ।

यस्तै, कुमारी बैंकले एक लाख १० हजार कित्ता संस्थापक शेयर लिलाम गर्ने भएको छ । हाल विद्यमान संस्थापक शेयरधनीले मात्र उक्त शेयर खरिदको लागि आवेदन दिन सक्ने बैंकले जनाएको छ ।

इच्छुक संस्थापक शेयरधनीले बैंकको शेयर रजिस्ट्रार कुमारी क्यापिटलको कार्यालयमा ३५ दिन भित्र आई पुग्ने गरि आवेदन दिनु पर्ने छ ।