लघुवित्त क्षेत्रको सबैभन्दा ठूलो आईपिओमा आवेदन गर्ने आज अन्तिम दिन

एनआईसी एशिया लघुवित्तले निष्काशन गरेको आईपिओमा आवेदन गर्ने आज अन्तिम दिन रहेको छ।

लघुवित्तले आगामी असार १० गतेदेखि ४७ करोड ५५ लाख रुपैयाँ बराबरको ४७ लाख ५५ हजार कित्ता आईपिओ निष्काशन गरेको थियो।

लघुवित्तले निष्कासन गरेको आईपिओमध्ये ०.५ प्रतिशत अर्थात् ७४ हजार कित्ता कर्मचारीहरुको लागि र ५ प्रतिशत अर्थात् २ लाख ३७ हजार ८ सय कित्ता सामुहिक लगानी कोषको लागि सुरक्षित गरिएको छ ।

बाँकि ४४ लाख ४३ हजार २ सय कित्ताको लागि सर्वसाधारणले आवेदन दिन सक्ने कम्पनीले जनाएको छ।

कम्पनीको आईपिओमा न्युनतम १० कित्ता र अधिकतम २ लाख कित्ताको लागि छिटोमा असार १४ गतेसम्म आवेदन दिन सकिने कम्पनीले जनाएको छ । यस आइपीओमा अधिकतम २० कित्ताका लागि २ हजार रुपैयाँ बराबरको आवेदन गर्दा प्रयाप्त हुने देखिन्छ।

चुक्ता पूँजी १ अर्ब ४५ लाख १० हजार रुपैयाँ रहेको लघुवित्तको आईपिओ पश्चात चुक्ता पूँजी एक अर्ब ४८ करोड नाघ्नेछ। एनआईसि एशिया लघुवित्त वित्तीय संस्थाले १९ जिल्लाहरुमा ६१ शाखा कार्यालय स्थापना गरी विपन्न वर्गहरुलाई सहज वित्तीय सेवा प्रदान गर्दै आइरहेको छ ।

एनआईसी एशिया लघुवित्तको आईपीओमा लगानी गर्नुपुर्व जान्नुहोस् कम्पनीको विस्तृत विवरण