सुनको मूल्य प्रतितोला १०० रुपैयाँले घट्यो, चाँदीको स्थिर

असार २८ गते आइतबार सुनको भाउ प्रतितोला १०० रुपैयाँले घटेको छ । यस्तै आज चाँदीको मूल्य भने स्थिर छ।

नेपाल सुनचाँदी व्यवसायी महासंघले आजका लागि छापावाल सुनको मूल्य प्रतितोला ९२ हजार १०० रुपैयाँ तोकेको छ। त्यस्तै तेजावी सुनको मूल्य प्रतितोला ९१ हजार ६६० रुपैयाँ, र चाँदीको मूल्य प्रतितोला ९८० रुपैयाँ तोकेको छ।

शुक्रबार सुनको भाउ प्रतितोला २०० रुपैयाँले घटेको थियो भने चाँदीको भाउ स्थिर रहेको थियो । सो दिन लागि छापावाल सुन ९२ हजार २०० रुपैयाँ पुगेको छ। त्यस्तै तेजावी सुनको मूल्य प्रतितोला ९१ हजार ७६० रुपैयाँ, र चाँदीको मूल्य प्रतितोला ९८० रुपैयाँमा कारोबार भएको थियो।

असार २५ गते सुनको भाउ नेपाली बजारमा हालसम्मकै उच्च बिन्दु (प्रतितोला ९२ हजार ४०० रुपैयाँ) मा पुगेर कीर्तिमानी उचाईमा पुगेको थियो। यस्तै चाँदीको मूल्य पनि हालसम्मकै माथिल्लो भाउ ( प्रतितोला ९८० रुपैयाँ) मा पुगेको थियो।