सुनको मूल्य फेरि बढ्न थाल्यो

नेपाली बजारमा भदौ २४ गते बुधबार सुनको मूल्य प्रतितोला ६०० रुपैयाँ र चाँदीको भाउ प्रतितोला ५ रुपैयाँले बढेको छ ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य प्रतितोला ९६ हजार ४०० रुपैयाँ कायम गरिएको छ भने तेजावी सुनको मूल्य ९५ हजार ९०० रुपैयाँ निर्धारण गरिएको छ ।

मंगलबार छापावाल सुनको मूल्य प्रतितोला ९५ हजार ८०० रुपैयाँ कायम तथा तेजावी सुनको मूल्य ९५ हजार ३०० रुपैयाँ निर्धारण गरिएको थियो ।
त्यस्तै, बुधबार चाँदीको मूल्यमा भने ५ रुपैयाँ बढेर १ हजार ३१५ रुपैयाँमा कारोबार भैरहेको छ ।

समग्र अर्थतन्त्र र शेयर बजारको नियमित अपडेटका लागि नोटबजार डटकमको फेसबुक पेजका साथै ट्वीटर र युट्युबमा फलो गर्न सक्नुहुन्छ ।