नेपाल बैंक (NBL) को नाफा कोरोना महामारीका कारण गत आवको पहिलो तीन महिनाको तुलनामा चालु आवको तीन महिनामा ३ करोड रुपैयाँले घटेको छ ।
बैंकले चालु आर्थिक वर्षको पहिलो त्रैमासमा ५५ करोड ४ लाख १९ हजार रुपैयाँ खुद नाफा आर्जन गरेको अपरिष्कृत वित्तीय विवरण शनिबार सार्वजनिक गरेको छ । गत आवको यहि अवधिमा बैंकले ५८ करोड १८ लाख २३ हजार रुपैयाँ खुद नाफा गरेको थियो ।
कोरोना महामारीका कारण नेपाल राष्ट्र बैंकले कर्जाको वर्गिकरण गरी कर्जाको सावाँ तथा ब्याज तिर्ने समय बढाइ दिएपछि बैंकको कर्जा असुली प्रभावित भई खुद नाफा घट्न पुगेको हो । बैंकको पहिलो तीन महिनामा वितरणयोग्य खुद नाफा १९ करोड ६४ लाख ६४ हजार रुपैयाँ रहेको छ ।
बैंकको चुक्ता पूँजी ११ अर्ब २८ करोड २८ लाख २० हजार रुपैयाँ कायम हुँदा प्रतिशेयर आम्दानी १९.५१ रुपैयाँ रहेको छ । बैंकको सञ्चित कोषको आकार १२ अर्ब ९८ करोड ५४ लाखबाट ७१ करोड १२ लाखले बढेर १३ अर्ब ६९ करोड ६६ लाख रुपैयाँ पुगेको छ । बैंकको प्रतिशेयर नेटवर्थ २७३.४९ रुपैयाँ छ ।
Particulars | Nepal Bank Limited ( Rs in ‘000) | ||
Q1, 2077/2078 | Q1, 2076/2077 | Difference | |
Paid-up Capital | 11,282,820.20 | 11,282,820.20 | 0.00% |
Retained Earnings | 4,089,498.34 | 4,125,071.77 | -0.86% |
Reserves | 13,696,645.71 | 12,985,435.81 | 5.48% |
Profit/(Loss) for the Year | 550,419.39 | 581,823.65 | -5.40% |
EPS (Rs.) | 19.51 | 23.72 | -17.75% |
Net worth per share (Rs.) | 273.49 | 299.81 | -8.78% |
Deposit from Customers | 145,469,372.75 | 142,114,284.98 | 2.36% |
Loans & Advances to Customers | 107,045,614.73 | 104,588,242.82 | 2.35% |
Net Interest Income | 1,481,592.59 | 1,328,262.34 | 11.54% |
Fee and Commission Income | 181,907.63 | 160,233.91 | 13.53% |
Impairment Charge/(Reversal) | 155,985.29 | 109,965.69 | 41.85% |
Operating Profit | 778,923.81 | 610,461.61 | 27.60% |
Distributable Profit/(Loss) after P/L appropriation and Regulatory Adjustments | 196,464.01 | 65,665.44 | 199.19% |
Capital Adequacy Ratio (CAR) (%) | 17.03 | 18.01 | -5.44% |
Non-Performing Loan (NPL) | 3.02 | 2.75 | 9.82% |
CCD (as per NRB Directive) | 66.54 | 68.63 | -3.05% |
Cost of Fund (%) | 3.97 | 5.22 | -23.95% |
Base Rate (%) | 6.81 | 7.84 | -13.14% |
Qtr End PE Ratio (Rs.) | 16.6 | 14.54 | 14.17% |
समीक्षा अवधिमा बैंकले १ खर्ब ४५ अर्ब ४६ करोड ९३ लाख रुपैयाँ निक्षेप संकलन गरी १ खर्ब ७ अर्ब ४ करोड ५६ लाख रुपैयाँ कर्जा लगानी गरेको छ । गत आवको प्रथम त्रैमासको तुलनामा बैंकको निक्षेप र कर्जा ३ अर्ब रुपैयाँले बढेको छ ।
गत आवको पहिलो त्रैमासको तुलनामा बैंकको खुदब्याज आम्दानी १६ करोड रुपैयाँ बढेर १ अर्ब ४८ करोड १५ लाख रुपैयाँ पुगेको छ । यद्यपी बैंकको बैंकको निष्क्रिय कर्जा अनुपात २.७५ प्रतिशतबाट बढेर ३.०६ प्रतिशत पुग्दा सम्भावित कर्जा नोक्सानी व्यवस्थापन कोष बढ्दा बैंकको नाफा प्रभावित बनेको छ ।
पहिलो त्रैमासमा बैंकको कर्जा निक्षेप अनुपात ६६.५४ प्रतिशत, निक्षेप लागत ३.९७ प्रतिशत, आधारदर ६.८१ प्रतिशत र स्प्रेडदर ४.३८ प्रतिशत रहेको छ ।
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया