सिभिल लघुवित्तको लिलामी शेयरमा आवेदन गर्ने ८ संस्थागत लगानीकर्ता यस्ता, कसले कति पाए शेयर ?

सिभिल लघुवित्तले लिलाममा राखेको शेयरको शिलबन्दी बोलपत्र खोल्ने काम सकिएको छ ।

लघुवित्तको शेयर निष्काशन तथा बिक्री प्रबन्धक सेञ्चुरी क्यापिटलले दिएको जानकारी अनुसार लघुवित्तको साधारण शेयरको प्रारम्भिक कटअफमूल्य ६४५ र संस्थापक शेयरको कटअफमूल्य २५४ रुपैयाँ कायम भएको छ । तथ्याङ्क रुजु गर्दा अन्तिम कटअफमूल्यमा भने सामान्य फरक पर्नसक्ने क्यापिटलले जनाएको छ ।

लघुवित्तको लिलामी शेयरका लागि कूल ३४३ वटा आवेदन परेकोमा ८ संस्थागत लगानीकर्ताले आवेदन गरेका थिए । जसमध्ये सांग्रिला डेभलपमेन्ट बैंकले सबैभन्दा धेरै ६७५ रुपैयाँ दरमा ५ हजार कित्ताका लागि आवेदन दिएको थियो भने सिद्धार्थ बैंकले सबैभन्दा कम प्रतिकित्ता ५९७ रुपैयाँका दरले सबैभन्दा धेरै २५ हजार कित्ताका लागि आवेदन दिएको थियो।

यद्यपी ८ संस्थागत लगानीकर्तामध्ये सिद्धाथ बैंक सहित इक्वीटस होल्डिङ्ग प्रालि र निभ सेक्युरिटीज गरी तीन संस्थाले गरेको बोलकबोल रेट कटअफभन्दा तल अंकित गरेर आवेदन दिएकाले लिलामी शेयर प्राप्त गर्न सकेनन् । लिलामीमा आवेद गरेका सांग्रिला डेभलपमेन्ट बैंक, प्रभु क्यापिटल, स्टार क्यापिटल म्यानेजमेन्ट प्रालि, र सूर्या लाइफ इन्स्योरेन्सले भने माग अनुसारको नै शेयर पाएका छन् ।

साधारण शेयरमा कायम भएको प्रारम्भिक कटअफमूल्य (६४५) अनुसार गुहेश्वरी मर्चेन्टले आंशिक २ हजार ५९२ कित्ता शेयर प्राप्त गर्नसक्ने अवस्था देखिएको छ । कम्पनीले ५ हजार कित्ताका लागि आवेदन दिएकोमा दामासहीले बाँडफाँड गर्दा आवेदन गरेभन्दा कम मात्र शेयर पाएको हो ।

प्रारम्भिक कटअफमूल्यभन्दा माथि आवेदन दिएका लगानीकर्ताको आवेदन रुजु गर्दा त्रुटी भेटिएको खण्डमा भने गुहेश्वरी मर्चेन्टले माथि उल्लेख गरिएकोभन्दा बढी कित्ता शेयर पाउन पनि सक्नेछन् ।

लघुवित्तको लिलामी शेयरमा आवेदन गरेका यस्ता छन् संस्थागत लगानीकर्ता:-

प्रारम्भिक कटअफमूल्य अनुसार लघुवित्तको साधारण शेयरका लागि प्रतिकित्ता ६४५ वा सो भन्दा बढी मूल्यमा आवेदन गरेका लगानीकर्ताले लिलामीको शेयर सकारेका छन् । संस्थापक शेयरतर्फ २५४ रुपैयाँमा लघुवित्तका विद्यमान शेयरधनी सुरज अधिकारीले सबै (११ हजार ६०८ कित्ता) शेयर सकारेका छन् ।

क्यापिटलका अनुसार मुलुकभरबाट संस्थापक शेयरका लागि ४ वटा र साधारण शेयरका लागि २३९ वटा गरी कूल ३४३ वटा शिलबन्दी बोलपत्रको आवेदन परेका थियो । लिलामी शेयर खरीदका लागि ८ संस्थाले पनि आवेदन दिएका थिए ।

लघुवित्तले कम्पनीले संस्थापक समूहको ११ हजार ६०८ कित्ता र सर्वसाधारण समूहको ७७ हजार ८४२ कित्ता गरी कूल ८९ लाख ४५० कित्ता शेयर लिलाम बढाबढमा बिक्रीमा ल्याएको थियो ।

लघुवित्तले गत साउन २५ गतेदेखि भाद्र २९ गतेसम्म एक बराबर एक अनुपातमा ११ लाख ४१ हजार १४० कित्ता हकप्रद निष्काशन गरेको थियो । सोही समयमा अवितरित शेयर अहिले लिलामीबाट बिक्री गरिएको हो ।

हाल लघुवित्तको चुक्ता पूँजी ११ करोड ४१ लाख १४ हजार रुपैयाँ छ । हकप्रदपछि २२ करोड ८२ लाख २८ हजार रुपैयाँ पुग्नेछ । लघुवित्तको साधारण शेयर मंगलबार प्रतिकित्ता ७४३ रुपैयाँमा कारोबार बन्द भएको छ । यसअनुसार लघुवित्तको लिलामी शेयरको कटअफ मूल्य बजार मूल्यको एक सय रुपैयाँ अर्थात १३.४२ प्रतिशत तल कायम भएको हो ।

• सिभिल लघुवित्तको लिलामी शेयरमा कति कायम भयो कटअफ ?
• सिभिल लघुवित्तमा तीन सञ्चालक नियुक्त, सचिनजंङ्ग रायमाझी अध्यक्ष चयन
  

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।