नेप्से १९ अंकले बढ्दा ८ अर्बको कारोबार, सात कम्पनीमा सर्किट ब्रेक

साताको चौंथो दिन बुधबार नेप्से १८.७६ अंकले बढेर ऐतिहासिक उचाइ २ हजार ४४१ दशमलव ८५ अंकमा बन्द भएको छ । यसअघि सोमबार २४४०.८८ बिन्दुमा नयाँ रेकर्ड कायम गरेको नेप्सेले बुधबार उक्त रेकर्ड समेत ब्रेक गरेको हो । मंगलबार भने नेप्सेमा १७.७८ अंकको गिरावट आएको थियो ।

बुधबार नेप्सेमा २०८ कम्पनीको १ करोड ५२ लाख ८९ हजार २५९ कित्ता शेयर किनबेच हुँदा ८ अर्ब ६२ लाख ३८ हजार रुपैयाँमाथिको कारोबार भएको छ । नेप्से बढेपनि ठूला कम्पनीहरुको सूचक मापक सेन्सेटिभ इन्डेक्स भने घटेको छ । सेन्सेटिभ ०.८६ अंकले घटेर ४४६.३८ मा झरेको हो ।

बुधबारको बजारमा लगानीकर्ताको आकर्षण बीमा कम्पनीमा देखिएको छ। जसले आज बीमाको दुबै उपसमहुका सूचक उच्च बढेका छन् । आज कारोबारमा आएका १२ उपसमुहका सूचकमध्ये जीवन बीमा सहित पाँच बढेका छन् भने ७ घटेका छन् । जीवन बीमा सूचकमा ६.२५ प्रतिशत बढ्दा निर्जीबन बीमा ३.९८ प्रतिशत, लघुवित्त र ब्यापार सूचक एक प्रतिशतभन्दा धेरै र म्युचअल फण्ड समान्य बढेको छ ।

सार्वधिक कारोबार हुने कम्पनी नेपाल लाइफ रहेको छ । बुधबार नेप्सेमा सात कम्पनीमा सकारात्मक सर्किट लागेको छ । सात कम्पनीको शेयरमूल्य करिब १० प्रतिशतले बढेको हो ।

• सर्वाधिक कारोबार भएका १० कम्पनी

आज सबैभन्दा धेरै नेपाल लाइफ इन्स्योरेन्सको ९३ करोड ३४ लाख रुपैयाँमाथिको शेयर कारोबार भएको छ । कम्पनीको ३१ प्रतिशत बोनसमा शेयरमूल्य समायोजन भएको थियो । आगामी सधारण सभाबाट शेयर टुक्राउने प्रस्ताव पारित गर्ने भएपछि कम्पनीको शेयरमूल्यमा सर्किट ब्रेक लागेर बढेको हो ।

यसैगरी प्राइम कमर्सियल बैंक, नेपाल बैंक, प्रभु बैंक, नेशनल लाइफ,शिखर इन्स्योरेन्स, नेपाल टेलिकम र नेशनल हाइड्रोपावरको सर्वाधिक कारोबार भएको छ ।

प्राइम कमर्सियल बैंकको ३७ करोड, नेपाल बैंकको २८ करोड, प्रभु बैंकको २७ करोड, नेशनल लाइफको २४ करोड, शिखर इन्स्योरेन्सको २४ करोड, नेपाल टेलिकमको र नेशनल हाइड्रोपावरको २० करोड रुपैयाँ माथिको कारोबार भएको छ । एनआईसी एशिया बैंक र प्रिमियर इन्स्योरेन्स पनि शीर्ष दश ठूलो शेयर करोबार गर्ने कम्पनीमा समेटिएका छन् ।

• बुधबार ७ कम्पनीको शेयरमूल्यमा सकारात्मक सर्किट

आज सात कम्पनीको शेयरमूल्य करिब १० प्रतिशतले बढेर सकारात्मक सर्किट लागेको छ । बुधबारको बजारबाट नेपाल लाइफका लगानीकर्ताले ९.९९ प्रतिशतका दरले कमाएका छन् ।

यसैगरी आरम्भ चौतारी लघुवित्तका लगानीकर्ताले, गुराँस लघुवित्त, सपोर्ट लघुवित्त, प्रभु लाइफ इन्स्योरेन्स, नेशनल हाइड्रोपावर र एभरेष्ट इन्स्योरेन्सको संस्थापक शेयरको मूल्य ९ प्रतिशतभन्दा धेरैले बढेको हो ।

यसैगरी शिखर इन्स्योरेन्स, प्रिमियर इन्स्योरेन्स र आइएमई जनरल इन्स्योरेन्सका लगानीकर्ताले पनि आजको बजारबाट ६ प्रतिशत धेरैले कमाएका छन् ।

• सर्वाधिक गुमाउने कम्पनी

बुधबारको शेयर बजार कोरोबरमा पोखरा फाइनान्सका लगानीकर्ताले सबैभन्दा धेरै७.०५ प्रतिशतका दरले गुमाएका छन् ।

यसैगरी सिटिजन्स म्युचुअल फण्ड २, श्रीइन्भेष्ट, नेपाल फाइनान्स, एनआईसी एशिया ब्यालेन्स्ड फण्ड, गोर्खाज फाइनान्स, हिमालयन पावर पार्टनर, कर्पोरेट डेभलपमेन्ट बैंक, नेपाल बैंक र पाँचथर पावरको शेयरमा लगानी गरेका लगानीकर्ताले ३ प्रतिशतभन्दा धेरैले गुमाएका छन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।