आरएमडिसी लघुवित्तको खुद नाफा साढे २६ करोड माथि

आरएमडिसी लघुवित्त वित्तीय संस्था लिमिटेड (RMDC) ले चालू आर्थिक वर्ष २०७८।७९ को तेस्रो त्रैमाससम्ममा २६ करोड ५९ लाख ६६ हजार रुपैयाँ खुद नाफा गरेको छ ।

अघिल्लो आवको यसै अवधिमा १७ करोड ५३ लाख २३ हजार रुपैयाँ खुद नाफा आर्जन गरेकोमा ५१.७० प्रतिशतले बढेको हो । यस्तै कम्पनीको सञ्चालन नाफा ५२.३१ प्रतिशत वृद्धि भएर ३७ करोड ९७ लाख ६१ हजार रुपैयाँ पुगेको छ ।

चुक्ता पूँजी १ अर्ब २४ करोड १० लाख ६६ हजार रहेको लघुवित्तको वार्षिक प्रतिसेयर आम्दानी २८.५७ रुपैयाँ र प्रतिसेयर नेटवर्थ २६१ रुपैयाँ छ । कम्पनीको रिटेन्ड अर्निङमा ९६ करोड ४३ लाख र जगेडा कोषमा १ अर्ब ३ करोड ३९ लाख रुपैयाँ सञ्चित छ । समीक्षा अवधिमा रिटेन्ड अर्निङ ११.४७ प्रतिशत बढेको छ भने जगेडा कोष ८.१५ प्रतिशत घटेको छ ।

लघुवित्तको निष्क्रिय कर्जा अनुपात ०.०६ प्रतिशत, मूल्य आम्दानी अनुपात ३६.४८ प्रतिशत र कोषको लागत ४.४८ प्रतिशत छ ।

चैत मसान्तसम्ममा कम्पनीले २७ करोड ३६ लाख रुपैयाँ सापटी लिएर लघुवित्त कम्पनीहरुलाई ११ अर्ब ८९ करोड ९९ लाख रुपैयाँ कर्जा लगानी गरेको छ । यसबाट कम्पनीले ४४ करोड ७० लाख ९६ हजार रुपैयाँ खुद ब्याज आम्दानी गरेको छ । कम्पनीको निक्षेप २. ०७ प्रतिशतले बढ्दा कर्जा सापटी २३.४९ प्रतिशत घटेको छ ।

अघिल्लो आवको यसै अवधिमा लघुवित्तले ३० करोड ८२ लाख ३८ हजार रुपैयाँ खुद ब्याज आम्दानी गरेको थियो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।