सांग्रिला डेभलपमेन्ट बैंकको ३ लाख कित्ता संस्थापक सेयर बिक्रीमा

सांग्रिला डेभलपमेन्ट बैंक लिमिटेडले २ लाख ९४ हजार ६७४ कित्ता सेयर बिक्रीमा ल्याएको छ । बैंकले विभिन्न संस्थापक सेयरधनीको नाममा रहेको उक्त कित्ता सेयर बिक्रीमा ल्याएको हो ।

बैंकले दिन बन्धु कुँवरको नाममा रहेको १३ हजार १५० कित्ता संस्थापक सेयर बिक्रीमा ल्याएको छ । यस्तै गोबर्धन अधिकारीको नाममा रहेको २३ हजार कित्ता, ज्योती पाण्डेको नाममा रहेको २ हजार कित्ता, माधव प्रसाद मौनालीको नाममा रहेको ६९ हजार ७८५ कित्ता सेयर बिक्रीमा ल्याएको छ ।

यसैगरी बैंकले सुलोचना अधिकारीको नाममा रहेको ७ हजार २६६ कित्ता, अनिश पाखिलेको नाममा रहेको २३ हजार ५०३ कित्ता, पवित्र लाल चुकेको नाममा रहेको १ लाख ५० हजार कित्ता, उमेश कुमारी मुडभरीको नाममा रहेको ५ हजार ९७० कित्ता सेयर बिक्रीमा ल्याएको हो ।
बैंकको सेयरमा संस्थापक सेयरधनीले मात्र आवेदन दिन पाउने छन् । अन्य व्यक्ति, संस्था वा कम्पनीले भने यो पटकको लिलामीमा आवेदन दिन पाउने छैनन् ।

संस्थापक सेयरधनीले आज साउन ५ गतेदेखि ३५ दिनभित्र आवेदन दिन सक्ने छन् । ३५ दिनभित्र संस्थापक सेयरधनीबाट आवेदन नपरेमा भने अन्यलाई बिक्री खुलाइने बैंकले जनाएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।