सरकारले ट्रेजरी बिलमार्फत २४ अर्ब आन्तरिक ऋण नविकरण गर्ने

सरकारले ट्रेजरी बिलमार्फत २४ अर्ब रुपैयाँ आन्तरिक ऋण नविकरण गर्नेे भएको छ। यसका लागि राष्ट्र बैंकले साउन २९ गते सोमबार ट्रेजरी बिलको बोलकबोल गर्ने भएकोे छ ।

सोमबार बोलकबोल हुने ट्रेजरी बिल मंगलबार जारी गरिनेछ । राष्ट्र बैंकले २८ दिन अवधिको १० अर्ब, ९१ दिन अवधिको ८ अर्ब रुपैयाँ र १८२ दिन अवधिको ६ अर्ब रुपैयाँ गरी कुल २४ अर्ब रुपैयाँ बराबरको ट्रेजरी बिल बोलकबोल गर्न लागेको हो ।

ऋणपत्रको बोलकबोल अनलाइनमार्फत सोमबार दिउँसो ३ बजे खुला हुने राष्ट्र बैंकले जनाएको छ । बोलकबोलमा सहभागी हुने क, ख र ग वर्गका बैंक, अन्य वित्तीय संस्था, गैह्रबैंक तथा वित्तीय संस्थालगायतमध्ये सर्वाधिक अङ्ग कबोल गर्नेलाई राष्ट्र बैंकले ट्रेजरी बिल जारी गर्नेछ ।

राष्ट्र बैंकका अनुसार २८ दिन अवधिको ट्रेजरी भदौ २६ गते, ९१ दिन अवधिको ट्रेजरी कात्तिक २८ गते र १८२ दिन अवधिको ट्रेजरी फागुन १ गते परिपक्व हुनेछ।
वित्तीय प्रणालीमा कर्जाको माग तत्काल नबढ्ने भएपछि बैंकहरूले ट्रेजरीमा डिस्काउन्ट रेट बढाएर लगानी गरेका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।