पुवाखोला वान हाइड्रोले साढे १९ करोडको आईपीओ ल्याउने, बिक्री प्रबन्धकमा एलएस क्यापिटल

पुवाखोला वान हाइड्रोपावर लिमिटेडले १९ करोड ४६ लाख ६६ हजार रुपैयाँ बराबरको प्राथमिक सार्वजनिक निष्कासन (आईपीओ) जारी गर्ने भएको छ ।

कम्पनीले आयोजना प्रभावित क्षेत्रका स्थानीय बासिन्दा, वैदेशिक रोजगारीमा रहेका विदेशमा रहेका नेपाली र आम सर्वसाधारणका लागि प्रति सेयर अंकित मूल्य एक सय रुपैयाँ दरका १९ लाख ४६ हजार ६६० कित्ता आईपीओ निश्कासन गर्ने भएको हो ।

उक्त सार्वजनिक निष्कासनका लागि बिहीबार कम्पनी र लक्ष्मी सनराइज क्यापिटल (एलएस क्यापिटल) बीच धितोपत्र निष्कासन तथा बिक्री प्रबन्धक नियुक्ती सम्बन्धि सम्झौता सम्पन्न भएको छ । उक्त समझदारीपत्रमा एलएस क्यापिटलका प्रमुख कार्यकारी अधिकृत विजयलाल श्रेष्ठ र पुवा खोला वन हाइड्रोपावर लिमिटेडका प्रबन्ध निर्देशक कदम केसीबीच औपचारिक सम्झौता भएको छ । यो रणनीतिक सहकार्यले आईपीओ जारी गर्ने प्रक्रियाको प्रभावकारी कार्यान्वयनको दिशामा महत्वपूर्ण कदम रहेको बताइएको छ ।

पुवाखोला–वान हाइड्रोपावर लिमिटेडको इलाम जिल्लामा अवस्थित ४ मेगावाट क्षमताको जलविद्युत आयोजना सञ्चालन गरिरहेको जनाएको छ ।