जीवन बीमकद्धारा ७ महीनामा ८६ अर्ब ८८ करोड प्रिमियम संकलन, नेपाल लाइफको एक चौथाई बढी

जीवन बीमा कम्पनीहरुले चालु आर्थिक वर्ष २०८०–८१ को ७ महीना अर्थात माघ मसान्तसम्ममा ८६ अर्ब ८८ करोड ८ लाख ४२ हजार रुपैयाँ बराबरको जीवन बीमा व्यवसाय गरेका छन् । जसमध्ये नयाँ व्यवसायको हिस्सा १८.५४ प्रतिशत बराबर रहेको छ ।

नेपाल बीमा प्राधिकरणका अनुसार माघ महीनासम्ममा संकलन भएको कुल बीमाशुल्कमा नयाँ व्यवसाय वापत अर्थात १६ अर्ब ११ करोड ६ लाख ४० हजार रुपैयाँ प्रथम बीमाशुल्क संकलन भएको छ । माघमा यसअघि नै बिक्री भैसकेको बीमालेख नवीकरणबाट ७० अर्ब ७७ करोड २ लाख २ हजार रुपैयाँ (८१.४६%) संकलन भएको हो ।

प्राधिकरणको तथ्याङ्क अनुसार २०७९ माघ मसान्तसम्ममा जीवन बीमा कम्पनीहरुले कुल ८३ अर्ब ३९ करोड १४ लाख २४ हजार रुपैयाँ संकलन गरेका थिए । जसमध्ये प्रथम बीमाशुलक वापत १६ अर्ब ११ करोड ६ लाख ४० हजार रुपैयाँ र नवीकरण बीमाशुल्क वापत ७० अर्ब ७७ करोड २ लाख २ हजार रुपैयाँ थियो । विसं २०७९ माघ मसान्तसम्मको तुलनामा समग्रमा ४.१८ प्रतिशतले बढ्दा प्रथम बीमाशुल्क २.११% ले घट्दा नवीकरण बीमाशुल्क भने ५.७३% ले वृद्धि भएको हो ।

नेपाल बीमा प्राधिकरणले प्रकाशन गरेको तथ्याङ्क अनुसार सञ्चालनमा रहेका १४ जीवन बीमा कम्पनीहरुमध्ये नेपाल लाइफ इन्स्योरेन्सले माघ मसान्तसमममा २३ अर्ब २० करोड ७४ लाख २६ हजार रुपैयाँ संकलन गरेको छ । माघ मसान्तसम्ममा कम्पनीले ३ अर्ब ६७ करोड ८९ लाख ५५ हजार प्रथम बीमाशुल्क संकलन गर्दा १९ अर्ब ५२ करोड ८४ लाख ७१ हजार रुपैयाँ नवीकरण बीमाशुल्क संकलन गरेको हो । समग्र प्रिमियम संकलनमा नेपाल लाइफ इन्स्योरेन्सको हिस्सा मात्रै एक चौथाई बढी अर्थात २६.७१% छ ।

यस्तै लाइफ इन्स्योरेन्स कर्पोरेसन नेपालले (एलआइसी नेपाल) ले कुल १० अर्ब १४ करोड ६९ लाख १२ हजार रुपैयाँ बीमाशुल्क संकलन गरेको छ । यस अवधिमा कम्पनीले १ अर्ब १९ करोड ८७ लाख २७ हजार प्रथम बीमाशुल्क र ८ अर्ब ९४ करोड ८१ लाख ८५ हजार रुपैयाँ संकलन गरेको हो ।  तेस्रो स्थानमा रहेको नेशनल लाइफ इन्स्योरेन्सले माघ महीनामा २ अर्ब ३५ करोड ६९ लाख ३८ हजार रुपैयाँ प्रथम बीमाशुल्क र ७ अर्ब ६९ करोड ५८ लाख ५५ हजार रुपैयाँ गरी कुल १० अर्ब ५ करोड २७ लाख ९३ हजार रुपैयाँ संकलन गरेको छ ।

हिमालयन लाइफ इन्स्योरेन्स कम्पनी बीमाशुल्क संकलनका आधारमा चौथो स्थानमा छ । कम्पनीले माघ मसान्तसम्ममा १ अर्ब २० करोड १५ लाख ४४ हजार प्रथम बीमाशुल्क र ८ अर्ब ७१ करोड १९ लाख ३९ हजार रुपैयाँ गरी कुल ९ अर्ब ९१ करोड ३४ लाख ८३ हजार रुपैयाँ बीमाशुल्क संकलन गरेको छ । यस्तै साउनदेखि माघसम्ममा सूर्यज्योति लाइफ इन्स्योरेन्सले १ अर्ब १५ करोड २७ लाख ८५ हजार रुपैयाँ प्रथम बीमा शुल्क र ३ अर्ब ८७ करोड ९४ लाख ९७ हजार रुपैयाँ नवीकरण बीमा शुल्क गरी कुल ५ अर्ब ३ करोड २२ लाख ८२ हजार रुपैयाँ बीमाशुल्क संकलन गरेको छ । शीर्ष पाँच कम्पनीले संकलन गरेको बीमाशुल्कलाई समग्र जीवन बीमकले संकलन गरेको बीमाशुल्कलाई आधार मान्ने हो भने एलआईसीको हिस्सा ११.६८%, नेशन लाइफको ११.५७%, हिमालयन लाइफ ११.४१% र सूर्यज्योति लाइफको ५.७९% रहेको छ ।

यसैगरी सरकारी स्वामित्वको राष्ट्रिय जीवन बीमा कम्पनीले चालु आवको ७ महीना अवधिमा कुल ४ अर्ब ९८ करोड १९ लाख ९६ हजार रुपैयाँ प्रिमियम संकलन गरेको छ । जसमध्ये ३५ करोड १४ लाख ७४ हजार रुपैयाँ प्रथम बीमाशुलक र ४ अर्ब ६३ करोड ५ लाख २२ हजार रुपैयाँ नवीकरण बीमाशुल्क रहेको छ । साथै एशियन लाइफले पनि माघ मसान्तसम्ममा ८९ करोड ४ लाख ९६ हजार रुपैयाँ प्रथम बीमा शुल्क र ३ अर्ब ५४ करोड ४४ लाख ९५ हजार रुपैयाँ नवीकरण बीमा शुल्क गरी कुल ४ अर्ब ४३ करोड ५९ लाख ९१ हजार रुपैयाँ संकलन गरेको छ ।

सानिमा रिलायन्स लाइफले ८५ करोड ९१ लाख ६२ हजार रुपैयाँ प्रथम बीमा शुल्क र २ अर्ब ५२ करोड ३४ लाख ६५ हजार रुपैयाँ नवीकरण बीमा शुल्क गरी कुल ३ अर्ब ३८ करोड २६ लाख २७ हजार रुपैयाँ आर्जन गरेको छ । यसैगरी सिटिजन लाइफ इन्स्योरेन्स कम्पनीले माघ मसान्तसम्ममा कुल ३ अर्ब २६ करोड ६२ लाख ५३ हजार रुपैयाँ संकलन गरेको छ । जमसध्ये ९५ करोड ६३ लाख ५७ हजार रुपैयाँ प्रथम बीमा शुल्क र २ अर्ब ३० करोड ९८ लाख ९६ हजार रुपैयाँ नवीकरण बीमा शुल्क रहेको छ ।

अमेरिकन मेट लाइफले चालु आवको ७ महीना अवधिमा ७२ करोड १८ लाख ८४ हजार रुपैयाँ प्रथम बीमा शुल्क र २ अर्ब ४२ करोड ७ लाख१३ हजार रुपैयाँ नवीकरण बीमा शुल्क गरी कुल ३ अर्ब १४ करोड २५ लाख ९७ हजार रुपैयाँ आर्जन गरेको छ । साथै यस अवधिमा आइएमई लाइफ इन्स्योरेन्सले कुल २ अर्ब ५० करोड १९ लाख २८ हजार रुपैयाँ बीमाशुल्क उठाएको गरेको छ । कम्पनीले ७६ करोड ७५ लाख ८८ हजार रुपैयाँ प्रथम बीमा शुल्क र १ अर्ब ७३ करोड ४३ लाख ४० हजार रुपैयाँ नवीकरण बीमा शुल्क संकलन गरेको हो ।

प्रभु महालक्ष्मी लाइफले माघ मसान्तसम्ममा कुल २ अर्ब ३८ करोड ५२ लाख ५१ हजार रुपैयाँ प्रिमियम संकलन गरेको छ । कम्पनीले यस अवधिमा ४५ करोड ८१ लाख ५४ हजार रुपैयाँ प्रथम बीमा शुल्क र १ अर्ब ९२ करोड ७० लाख ६१ हजार रुपैयाँ नवीकरण बीमा शुल्क संकलन गरेको हो । चालु आवको माघ महीनासम्ममा रिलायबल नेपाल लाइफले कुल २ अर्ब ३० करोड ९९ लाख ५ हजार रुपैयाँ आर्जन गरेको छ । यस कम्पनीले ७४ करोड ६२ लाख ७१ हजार रुपैयाँ प्रथम बीमा शुल्क र १ अर्ब ५६ करोड ३६ लाख ३४ हजार रुपैयाँ नवीकरण बीमा शुल्क उठाएको हो ।

सन नेपाल लाइफले सबैभन्दा कम बीमाशुल्क संकलन गरेको छ । कम्पनीले माघमसान्तसम्ममा ७७ करोड ३ लाख ५ हजार रुपैयाँ प्रथम बीमा शुल्क र १ अर्ब ३५ करोड ११ लाख २९ हजार रुपैयाँ नवीकरण बीमा शुल्क गरी कुल २ अर्ब १२ करोड १४ लाख ३४ हजार रुपैयाँ आर्जन गरेको छ ।

माघमा १२ अर्ब ६६ करोडको जीवन बीमा व्यवसाय, नयाँ व्यवसायको हिस्सा १८ प्रतिशत

माघसम्ममा संकलित प्रथम बीमाशुल्कका आधारमा यस्तो छ क्रमगत विवरणः

माघ मसान्तसम्मको ७ महीना अवधिमा जीवन बीमा कम्पनीहरुले १६ अर्ब ११ करोड ६ लाख ४० हजार रुपैयाँ प्रथम बीमा शुल्क संकलन गरेका छन् । जसमध्ये पाँच कम्पनीले एक अर्बभन्दा बढीको जीवन बीमा व्यवसाय वृद्धि गरेका छन् । जुन यसअनुसार रहेको छ ।

• नेपाल लाइफः ३ अर्ब ६७ करोड ८९ लाख ५५ हजार रुपैयाँ
• नेशनल लाइफ इन्स्योरेन्सः २ अर्ब ३५ करोड ६९ लाख ३८ हजार रुपैयाँ
• हिमालयन लाइफ इन्स्योरेन्सः १ अर्ब २० करोड १५ लाख ४४ हजार रुपैयाँ
• लाइफ इन्स्योरेन्स कर्पोरेसन नेपालः १ अर्ब १९ करोड ८७ लाख २७ हजार रुपैयाँ
• सूर्यज्योति लाइफ इन्स्योरेन्सः १ अर्ब १५ करोड २७ लाख ८५ हजार रुपैयाँ
• सिटिजन लाइफः ९५ करोड ६३ लाख ५७ हजार रुपैयाँ
• एशियन लाइफः ८९ करोड ४ लाख ९६ हजार रुपैयाँ
• सानिमा रिलायन्स लाइफः ८५ करोड ९१ लाख ६२ हजार रुपैयाँ
• सन नेपाल लाइफः ७७ करोड ३ लाख ५ हजार रुपैयाँ
• आइएमई लाइफ इन्स्योरेन्सः ७६ करोड ७५ लाख ८८ हजार रुपैयाँ
• रिलायबल नेपाल लाइफः ७४ करोड ६२ लाख ७१ हजार रुपैयाँ
• मेट लाइफः ७२ करोड १८ लाख ८४ हजार रुपैयाँ
• प्रभु महालक्ष्मी लाइफः ४५ करोड ८१ लाख ५४ हजार रुपैयाँ
• राष्ट्रिय जीवन बीमा कम्पनीले ३५ करोड १४ लाख ७४ हजार रुपैयाँ

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।