सांग्रिला डेभलपमेन्ट बैंकको बोनस वितरण

सांग्रिला डेभलपमेन्ट बैंक लिमिटेडले बोनस सेयर वितरण गरेको छ। बैंकले गत आव २०७९–८० का प्रस्ताव गरि साधारण सभाबाट पारित बोनस सेयर सेयरधनीको डिम्याट खातामा जम्मा गरेको हो ।

बैंकको गत मंसिर २४ गतेको साधारण सभाले चुक्ता पुँजीकाे ५ प्रतिशत बोनस सेयर वितरण गर्ने प्रस्ताव पारित गरेको थियाे । साेही बाेनस सम्बन्धित सेयरधनीको डिम्याट खातामा जम्मा गरिएको हो ।

बैंकले मंसिर १० गतेसम्म सेयर अभौतिकीकरण गराएका सेयरधनीहरुको डिम्याट खातामा उक्त बोनस सेयर जम्मा गरेको जनाएको छ । सो मितिपश्चात अभौतिकीकरण गराएकाको हकमा भने क्रमशः जम्मा गरिने बैंकले उल्लेख गरेको छ ।  उक्त बोनस सेयर नेपाल स्टक एक्सचेञ्ज (नेप्से) र सीडीएस एण्ड क्लियरिङ्गमा सूचीकृत तथा दर्ता भई अभौतिक रुपमा कारोबार हुने व्यवस्था भएको बैंकले जनाएको छ ।

साधारण सभा प्रयोजनार्थ बैंकले मंसिर ११ गते बुकक्लोज गरेको गरेको थियो । बुकक्लोज अनुसार मंसिर १० गतेसम्म नेप्सेमा सेयर कारोबार भइ कायम रहेका सेयरधनीले मात्र बोनस पाएका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।