सेयर बजार निरन्तर पाँच दिनदेखि ओरालो यात्रामा, लघुवित्तमा आकर्षण कायमै

सेयर बजारमा यस साता निरन्तर पाँच दिन नै ओरालो यात्रा कायम रहेको छ। आइतबारदेखि १७.३० अंकबाट घट्न सुरु भएको सूचक त्यसपछि दिनमाकम घटेपनि कुनैपनि दिन नेप्से बढ्न सकेन । निरन्तर पाँच कारोबार दिन ३१.५७ अंक घटेसँगै सूचक २००४.०५बिन्दुमा कायम भएको छ ।

अन्तिम कारोबार दिन बिहीबार पनि सूचक २.७३ अंकले घटेको छ । सूचक घटेपनि यसदिन कारोबार रकममा भने केही सुधार आएको छ । आज ३ अर्ब ३ करोड ७२ लाख ६७ हजार ३०७ रुपैयाँ बराबरको ६९ लाख ६३ हजार ३५९ कित्ता सेयर५६ हजार ३२१ ओटा सङ्ख्यामा किनबेच भएका छन् ।

कारोबारमा आएका १३ उपसमुहगत सूचकमध्ये लघुवित्तमा २.३८ प्रतिशतको वृद्धिसतिह लगानीकर्ताको आकर्षण कायमै रहँदा होटेल तथा पर्यटनमुलक १.६७, फाइनान्स ०.३२, निर्जीवन बीमा ०.२८ र व्यापार ०.११ प्रतिशतले बढेको छ । आठ ओटा घटेको सूचकमध्ये उत्पादनतथा प्रशोधनमुलक १.६१ प्रतिशत, जलविद्युत ०.५८, विकास बैंक ०.५४, अन्य ०.४८ र बैंकिङ्ग ०.४४ प्रतिशतले घटेको छ ।

गोखार्ज फाइनान्सको आज घटेर सर्वाधिक कारोबार भएको छ। सो कम्पनीको २३ करोड ३२ लाख ९१ हजार रुपैयाँ बराबरको सेयर खरिदबिक्री भएको हो । यस्तै, शिवम् सिमेन्टको १८ करोड ३८ लाख ६७ हजार र सर्वोत्तम सिमेन्टको १८ करोड २४ लाख ७१ हजार रुपैयाँ बराबरको सेयर किनबेच भएको छ ।

बजारमा लघुवित्त कम्पनीहरुमा लगानीकर्ताहरुको आकर्षण कायमै रहेको देखिन्छ । शीर्ष सेयर मूल्य बढेका १० कम्पनीहरुको सूचीमा आज पनि ९ लघुवित्त कम्पनीहरु छन् । जसमध्ये मानुषी लघुवित्त र मनकामना स्मार्ट लघुवित्तको सेयर मूल्य १० प्रतिशतले बढेको छ । गुराँस लघुवित्त ९.९७ र तारागाउँ रिजेन्सी होटल्सको सेयर मूल्य करिब ९.९० प्रतिशत बढेको छ ।

चुक्ता पुँजीको ५० प्रतिशत हकप्रद सेयर निष्काशन गर्ने प्रस्तावसहित साधारण सभा बोलाएको पिपुल्स पावरको सेयर मूल्य सर्वाधिक ७.२४ प्रतिशत घटेको छ। यस्तै सर्वोत्तम सिमेन्टको ५.८५, र रिभर फल्स पावरको ४.०९ प्रतिशतले घटेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।