सांग्रिला डेभलपमेन्ट बैंकका ग्राहकले सुर्खेतको स्टे होटल भ्याली भ्यूमा छुट पाउने

सांग्रिला डेभलपमेन्ट बैंक लिमिटेड र सुर्खेतको विरेन्द्रनगरमा रहेको स्टे होटल भ्याली भ्यूबिच सांग्रिला डेभलपमेन्ट बैंकका ग्राहक र कर्मचारीलाई आफ्नो सेवामा छुट दिने सम्झौता भएको छ ।

सम्झौता अनुसार सांग्रिला डेभलपमेन्ट बैंकका ग्राहकले स्टे होटल भ्याली भ्यूमा सांग्रिला डेभलपमेन्ट वैंकको डेविड कार्ड वा क्यूआर कोड मार्फत खाना, कोठा र बेभरेजको भुक्तानी गर्दा १० प्रतिशत छुट पाउने छन् । यस्तै, बैंकका कर्मचारीलाई २० प्रतिशत छुट दिइने विज्ञप्तिमा उल्लेख छ ।

सम्झौतापत्रमा सांग्रिला डेभलपमेन्ट बैंकको नेपालगञ्ज क्लस्टरका प्रमुख जयन्द्र बहादुर खड्का र स्टे होटल भ्याली भ्यूका प्रबज्ध निर्देशक तर्क बहादुर शाहीले हस्ताक्षर गरेका छन् । यो सम्झौता दुई बर्षका लागि लागू हुने बैंकको विज्ञप्तिमा उल्लेख छ ।

बैंकले हाल मुलुकभरका ११२ शाखा कार्यालय र ३० वटा एटीएममार्फत सेवा प्रवाह गर्दै आएको छ ।