सिटिजन्स बैंकले दियो विद्यालयलाई कम्प्युटर र प्रिन्टर

काठमाडौँ ।  सिटिजन्स बैंक इन्टरनेसनलले सार्वजनिक विद्यालयलाई कम्प्युटर र प्रिन्टर सहयोग गरेकोे छ । बैंकले संस्थागत सामाजिक उत्तरदायित्वअन्तर्गत बुढीगंगा गाउँपालिका– २, मोरङस्थित लोटस विद्यालयका दलित, जनजाति, अनाथ तथा विपन्न वर्गका करिब एक सय ५० बालबालिकालाई कम्प्युटर र प्रिन्टर सहयोग गरेको हो ।

विद्यालयमा आयोजित एक समारोहबिच बैंकका प्रमुख कार्यकारी अधिकृत गणेशराज पोखरेलले ती सामग्री हस्तान्तरण गरे । अधिकृत पोखरेलले सानो सहयोगले पनि विद्यालयमा अध्ययनरत विद्यार्थी लाभान्वित हुने बताए । बैंकले देशैभरि ६१ जिल्लामा फैलिएका आफ्ना दुई सय शाखा, एक सय ६८ एटिएम, तीन विस्तारित काउन्टर र ७४ शाखारहित बैंकिङ इकाइबाट वित्तीय सेवा प्रदान गर्दै आइरहेको छ ।