कर्मचारीहरूले ढोका फोड्ने प्रयास गरेपछि महानगरकी उपप्रमुख डंगोलले भनिन्, ‘कोठामा बसेर निर्देशन होइन, समाधानमा लाग्नुस्’

काठमाडौँ । प्रमुख प्रशासकीय अधिृकत सरोज गुरागाईं हाजिर गर्न पुगेपछि काठमाडौँ महानगरपालिकामा तनावको वातावारण सुरु भएको छ । गुरागाईंलाई कार्यकक्षमा प्रवेश गर्न नदिएपछि कर्मचारीहरूले ढोका फोड्ने प्रयास गरेका थिए ।

नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि अहिले महानगर प्रमुख प्रशासकीय अधिकृतविहीन छ । गत पुस ७ गतेदेखि गुरागाईंलाई बिदामा राखिएको थियो ।

यस्तो अवस्थामा आफूहरूले तलबसमेत खान नपाएको भन्दै कर्मचारीहरू आक्रोशित बनेका हुन् । उनीहरूले कुनै पनि हालतमा प्रमुख प्रशासकीय अधिकृत गुरागाईंलाई हाजिर गराउने बताइरहेका छन् ।

यता, काठमाडौं महानगरपालिकका मेयर बालेन शाहलाई उपमेयर सुनिता डंगोलले कोठामा बसेर निर्देशन नदिनका लागि आग्रह गरेकी छिन् ।

बैठकमा उपमेयर डंगोलले हरेक घटनाक्रमबारे आफूहरू जानकार रहेको भन्दै कोठामा बसेर निर्देशन नदिन आग्रह गरेकी हुन् ।

‘मन्त्रालयबाट पठाएपछि प्रमुख प्रशासकीय अधिकृत हाजिर गर्न आउनु भएको छ,’ उनले भनिन्, ‘उहाँ हाजिर गर्न आउँदा यो झडपको अवस्था हुनु राम्रो कुरा होइन । कर्मचारी–कर्मचारीबीच लडाइँ हुनु पनि राम्रो होइन ।’
अहिले काठमाडौं महानगरपालिकाका प्रमुख प्रशासकीय अधिृकत सरोज गुरागाईंले हाजिर गरेका छन् ।