पौने ३५ अर्ब लगानीमा नेपालमै मल कारखाना खुल्ने

नेपालमै मल कारखाना निर्माण गर्ने उद्देश्यका साथ मलेसियाली कम्पनी रिनिकोला एसडीएन बीएचडीले ३४ अर्ब ७३ करोड (२६० मिलियन अमेरिकी डलर) बराबरको प्रस्ताव अघि सारेको छ ।

लगानी बोर्ड नेपालले मलेसियन कम्पनीको उक्त प्रस्तावलाई स्वीकृत गर्दै विस्तृत सम्भाब्यता अध्ययनका लागि सम्झौतापत्रमा हस्ताक्षर गरेको छ । सम्झौता पत्रमा लगानी बोर्डका प्रमुख कार्यकारी अधिकृत सुशील भट्ट र मलेसियाको रिनिकोला एसडीएन बीएचडी कम्पनीका तर्फबाट बौमहिदी अब्देलालीले हस्ताक्षर गरेका हुन्।

तनहुँ जिल्लाको आँबुखैरेनीमा स्थापना गर्न प्रस्ताव गरिएको यस परियोजनाले विद्युतीय विच्छेदनको प्रविधिको प्रयोग गरी ग्रीन अमोनिया र ग्रीन क्यालसीयम अमोनियम नाइट्रट (क्यान) मल तयार पार्ने अवधारणा राखेको छ । विस्तृत सम्भाव्यता अध्ययन प्रतिवेदनको निष्कर्ष सकरात्मक आएमा नेपालमै मल कारखाना स्थापना हुनुका साथै वर्षेनी रुपमा कृषकहरुले भोग्दै आएको मल अभावको समस्या समाधानका लागि सहजता हुनेछ ।

यस प्रस्तावित परियोजनाबाट वार्षिक ९५ हजार ६०० मेट्रिक टन ग्रीन अमोनिया र २ लाख ८६ हजार ९७५ मेट्रिक टन ग्रीन क्यालसीयम अमोनियम नाइटे«ट मल उत्पादन गर्ने प्रस्ताव कम्पनीले गरेको छ ।

नेपालमा हरित अवधारणामा मल उत्पादन गर्ने उद्देश्य राखेको यस परियोजनाले नेपालको विद्युत लगायतका आन्तरिक स्रोतको परिचालन गरी हरित अर्थतन्त्रको विकासमा टेवा पु¥याउने विश्वास प्रमुख कार्यकारी अधिकृत भट्टको रहेको छ । विश्वसनीय अध्ययनले मात्रै जोखिम न्यूनीकरण सहित परियोजनाको कार्यान्वयन र दिगो रूपमा सञ्चालन गर्ने मार्गचित्र प्रदान गर्ने भएकाले तोकिएको समयभित्र सम्भाव्यता अध्ययनसहितको प्रतिवेदन पेश गर्न प्रस्तावक मलेसियन कम्पनीलाई आग्रह गरेका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।