सुनको भाउमा लगातार गिरावट

सुनको मूल्यमा लगातार गिरावट आएको छ । मंगलबार २ सय, बुधबार ७०० रुपैयाँले घटेको सुन बिहीबार १७ सय रुपैयाँ घटेको थियो । आज सुनको भाउ प्रतितोला ५ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार शुक्रबार छापावाला सुन प्रतितोला एक लाख ४८ हजार ५०० रुपैयाँमा कारोबार भइरहेको छ । बिहीबार छापावाला सुन प्रतितोला एक लाख ४९ हजार रुपैयाँमा कारोबार भएको थियो ।

यस्तै, बिहीबार प्रतितोला १ हजार ७८० रुपैयाँमा कारोबार भएको चाँदी आज १ हजार ७६० रुपैयाँमा कारोबार भइरहेको छ ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । शुक्रबार अन्तर्राष्ट्रिय बजारमा सुन प्रतिऔंस २ हजार ५९८.१४ अमेरिकी डलर र चाँदी प्रतिऔंस २८.९९ डलरमा कारोबार भइरहेको छ।