पर्वतको कुश्मामा भीषण पहिरो: ३ जनाको मृत्यु, ६ बेपत्ता

पर्वतको कुश्मा नगरपालिका –३ दुर्लुङ ढकाल थरमा शनिबार राति परेको मुसलधारे वर्षासँगै गएको पहिरोमा परि ३ जनाको मृत्यु भएको छ भने ६ जना वेपत्ता भएका छन्।

साँझ ६ बजेदेखि अविरल करिब २ बजेसम्म परेको वर्षाले पहिरोको कारण २ घर बगाएको छ। नेपाल प्रहरी, सशस्त्र र नेपाली सेनाले कुटो, कोदालो र फरुवाले खोस्रिएर पहिरोमा ६२ वर्षीय तुलबहादुर थापा, उनकी ५२ वर्षीया श्रीमती र १० वर्षीया नातिनीको शव फेला पारेको छ।

यस्तै कमला विक तथा उनको १३ र ९ वर्षीय छोराछोरी बेपत्ता भएको जिल्ला प्रशासन कार्यालय पर्वतले जनाएको छ । बेपत्ता हुनेहरुमा तुलबहादुरकै परिवारका तीन जना र अन्य तीन गरि दुई घरका ६ जना छन् । 

पर्वतका प्रमुख जिल्ला अधिकारी शम्भुप्रसाद रेग्मीका अनुसार सुरक्षाकर्मीको टोली थप उद्धारका लागि बिहानै घटनास्थलतर्फ गएको छ ।